VERTU MEÐ PUTTANN Á PÚLSINUM
Í hverjum mánuði vinnur heppinn póstlistavinur HÉR ER 15.000 kr. gjafakort frá Smáralind!
Loksins eitthvað nýtt og spennandi að gera með krökkunum!
Fjölskyldan - 24. maí 2023
Fyrsti fótboltaskemmtigarður landsins hefur opnað í Smáralind og við gleðjumst að sjálfsögðu yfir þeirri snilld. Nú getur öll fjölskyldan komið saman og skemmt sér við hinar ýmsu þrautir, sama hvernig viðrar!
Fótboltaland í Smáralind
Í Fótboltalandi er hægt að sækja afþreyingu fyrir börn og fullorðna þar sem vinsælasta íþrótt heims er í forgrunni. Fótboltaland uppfyllir ekki einungis þarfir fótboltaáhugafólks heldur mætir vaxandi eftirspurn eftir fjörugri afþreyingu með hreyfingu sem hentar öllum aldurshópum.
Notast er við helstu tækninýjungar í Fótboltalandi og má þar nefna RFID-armbönd sem halda utan um stig keppanda og stafræn fótboltatæki frá Elite Skills Arena sem meðal annars eru notuð á æfingarsvæðum stærstu fótboltaklúbba heims. Má þar nefna að Ronaldo á metið í einu tækinu!
Það er mikil skemmtun að halda upp á afmælið í Fótboltalandi. Innifalið er 60 mínútna fótbolti, pizza og drykkur. Verð frá 3.950 krónum.
Í Fótboltalandi má finna fimmtán mismunandi þrautabrautir sem skiptast í keppnisbrautir og skemmtibrautir. Í keppnisbrautunum keppast gestir um að fá sem flest stig úr hverri braut og sigra þannig vini eða fjölskyldu í viðkomandi brautum. Í skemmtibrautunum snýst allt um að hafa gaman þó svo að alltaf sé hægt að stilla upp keppni í þeim líka kjósi gestir svo. Í skemmtibrautunum geta fleiri en einn spilað í einu.
Fótboltaland er tilvalinn staður fyrir hópaskemmtun, boðið er upp á tilboð fyrir allskyns hópa.
