Úti er ævintýri
Fjölskyldan - 22. júní 2022
Jafnvel þó hitaviðvarnir láti á sér standa þá þyrstir okkur að sjálfsögðu í útiveru og D-vítamín. Þá er um að gera að nýta dauða tímann í að leggja drög að lautarferðum sumarsins.
Við göngum út frá því að þær verði í fleirtölu hvort sem er í garðinum heima, sumarbústaðnum, útilegunni eða í berjamó. Lautarkarfa og falleg ábreiða slær í það minnsta tóninn fyrir væntanleg ævintýri úti í náttúrunni hvort sem er með fjölskyldunni eða í góðra vina hópi.
Það er ekki verra að hafa veðurguðina með sér í liði en það má komast langt með Pikknikk körfu og notalega ábreiðu.
Fullkomin pikknikk karfa fyrir ferðalög. Hægt er að brjóta hana saman þegar hún er ekki í notkun.
Bastkörfur eru alltaf klassískar með endalaus notagildi - og þarf ekkert sumar til þess.
Á vetrarkvöldum er hægt að nýta körfuna undir handavinnu, teppi, tímarit og margt fleira.
Það er ástæðulaust að fara með fínu teppin í stofunni út. Lautarteppi með vatnsfráhrindandi baki og geymslupoka með rennilás er málið. Auðvelt að brjóta saman og rúlla upp.
Notalegar ábreiður/teppi setja punktinn yfir i-ið ekki bara á íslenskum sumarkvöldum heldur allan ársins hring. Öll viljum við örlítið meiri hlýindi.
Borðbúnaðarlína frá Kartell. Hönnuð úr plasti. Tilvalin í lautarferðina, húsbílinn, hjólhýsið, sumarbústaðinn, á veröndina og alls staðar þar sem ungir og/eða eldri eru að leik.
Kampavín, djús eða gosdrykkur?
Stílhrein kampavínsglös gerð úr akrýlplasti. Þola ferð, flug og allmargar skálar.
Oyoy kökustandur - Dúka - Smáralind
Elvira viskastykkin eru úr 100% lífrænni bómull sem draga vel í sig bleytu.
Púðar gera allt betra og ástæðulaust að láta þá bara gegna hlutverki innandyra.
Svo má ekki gleyma því að hafa gaman og safna skemmtilegum minningum.
