VERTU MEÐ PUTTANN Á PÚLSINUM
Í hverjum mánuði vinnur heppinn póstlistavinur HÉR ER 15.000 kr. gjafakort frá Smáralind!
Gerðu barnaherbergið hlýlegt á einfaldan hátt
Heimili & hönnun - 30. september 2022
Að stíga fram úr rúminu á köldum vetrarmorgnum getur verið áskorun. Það er þó einfaldara ef það er mjúk og hlýleg motta sem bíður og litlir fætur kunna einkum vel að meta það. Og ekki er verra ef mottan gleður augað um leið.
Gólfmottur gefa barnaherberginu karakter og hlýju og poppa upp gólfefni sem eru kaldari. Þær eru líka sniðugar til að afmarka rými, eins og fyrir leiksvæði.
Þessi skemmtilega regnbogamotta rammar svefnsvæðið fallega inn.
Ávextir eru áberandi í mottuskreytingum í barnaherbergi og ágætis áminning um að gleyma ekki sínum fimm á dag.
Ekki má gleyma að mottur geta auðveldlega verið partur af leik barnanna, sér í lagi ef kirsuber fær að vera með!
Það er auðvelt að freistast til að spjalla aðeins við svona sætan svepp áður en farið er á fætur.
Að láta mottuna liggja hálfa undir rúminu gefur herberginu mjög gott flæði.
Dýramottur geta verið hálfgerðir vinir í barnaherberginu og líka verndað svefnstaðinn eins og þetta föngulega ljón.
Sniðugt er að setja stærri mottur upp við rúmið þannig að þær nýtast bæði til að taka á móti þreyttum litlum einstaklingum á morgnana og svo við leik á daginn.
Það er ógurlega fagurt að láta textíl á vegg kallast á við textíl á gólfi og einstaklega vel heppnað hér með regnbogateppi og ljónamottu.
Klassísku röndóttu motturnar eru alltaf sígildar.
Jörðin hún snýst um sólina...
Hnötturinn býður upp á ævintýraleg ferðalög fyrir litla fætur.
Ótrúlega skemmtileg útfærsla: Borð, stólum, blöðum og skriffærum komið fyrir á mottu með bókstöfum. Þá er alltaf hægt að kíkja á mottuna í leit að rétta stafnum til að æfa.
