Innblástur til að lífga upp á barnaherbergið
Heimili & hönnun - 27. apríl 2022
Það getur verið gaman að dúlla sér við að gera barnaherbergið fínt en hvar á að byrja? Hér er af nægu að taka þegar kemur að innblæstri fyrir barnaherbergið.
Litríkt hjá H&M Home
Barnalínan frá H&M Home fyrir vorið er litrík og leikandi. Bjartir litir og skemmtileg mynstur setja svip sinn á barnaherbergið sem skapar ævintýraheim.
Ekki vera hrædd við liti í barnaherberginu og leyfðu barninu að vera með í ráðum!
Ljós gera kraftaverk
Hvort sem það eru hangandi ljós eða fallegir lampar þá gerir lýsing gæfumuninn til að búa til yndislega stemningu í barnaherberginu, alveg eins og í öðrum rýmum í húsinu.
Geggjaðar gólfmottur
Mjúkar og sætar gólfmottur sem ýta undir sköpunargleði eru kósí viðbót í barnaherbergið.
Sætir smáhlutir
Það er vel hægt að gleyma sér í sætum smáhlutum fyrir barnaherbergið.
Himnesk himnasæng
Himnasæng gefur barnaherberginu mikinn karakter en þær koma í fjölmörgum litatónum.
Nútral og notalegt fyrir þau nýjustu
Notaðu praktíska hluti eins og handklæði, taubleyjur og aðra smáhluti til að skreyta með.
Veglegt ungbarnarúm frá Sebra, Epal, 138.500 kr.
