Góð ráð frá stílista fyrir hátíðarborðið

Veldu þér þema

Fyrst af öllu er að velja þema eða ákveðinn lit sem er ráðandi í skreytingum – allt frá borðkortum yfir í dúk, leirtau og aðra skrautmuni. Langar þig að fara út í glamúr, halda þig við einfaldleikann, kannski rústík eða rómantík? Það er allt í boði, bara spurning hvað hentar hverju sinni.

Mismunandi form og áferðir á borðbúnaði, gefa skemmtilega dýpt á borðinu þegar blandað er saman möttu og glans eða grófum áferðum á móti fínlegu. Passið samt að hafa borðið hlaðið en ekki ofhlaðið – það er gott að hafa smá andrými.

Leirtauið er eitt af því mikilvægasta á borðinu, því það gefur stemninguna í þemanu. Það getur verið gaman að blanda saman mismunandi glösum, diskum og hnífapörum, en þá skaltu reyna að halda í sama stílinn eða litatóninn.

Fínasti diskur frá Rosenthal. Dúka - 4.690 kr.

Einfalt en fallegt frá Royal Copenhagen. Líf og list - 19.580 kr.

Þeir gerast vart fallegri en diskarnir frá Royal Copenhagen. Líf og list - 18.890 kr.

Matardiskur með gylltum kanti og blómamunstri. Home & You - 2.590 kr.

Glær hamraður diskur með smá kanti. Epal - 16.500 kr.

Það er gaman að lauma einhverju gylltu á borðið sem verður hálfgerður leynigestur við borðhaldið, hvort sem það er skál undir konfekt eða kertastjakar sem þessir sem gera mikið fyrir heildarmyndina. Stjakarnir á myndinni eru frá &tradition og fást í Epal.

Kerti skapa alltaf almenn kósíheit og hlýju. Hugsið kerti sem „ósýnileg hjálpartæki“ – þau eru á borðinu, en þurfa ekki að stela athyglinni. Fallegt er að nota mishá kerti á borðum til að fá mjúkt flæði, sérstaklega ef villt blóm eru á borðinu. Veljið kerti og stjaka í þeim litatónum sem henta þemanu.

Gylltur stjaki frá Ferm Living. Epal - 4.950 kr.

Þessi er fullkominn fyrir jólin! Líf og list - 6.850 kr.

Hringlaga stjaki sem hægt er að hengja upp í loft. Epal - 17.600 kr.

Sprittkertastjaki frá Cooee. Líf og list - 5.850 kr.

Nostrum meira á stórhátíðardögum

Þegar stærri dagar koma upp á dagatalinu og okkur langar til að gera eitthvað extra, þá er svo einfalt að sækja sér efni til skrauts í næsta göngutúr. Taka skærin með og klippa nokkrar vel valdar greinar til að setja í vasa sem síðar blómstra - tína skeljar á ströndinni eða köngla í skóginum fyrir jólin. Þannig leggur þú náttúruna beint á borð og færð tvöfalda gleði út úr því með nóg af súrefni í kaupbæti.

Hugsið blóm sem hráefnið sem bindur allt borðið saman – eða skapar heildarútlitið. Afskorin blóm bjóða alla gesti velkomna. Settu litla vendi í mismunandi vasa, flöskur eða glös og leyfðu þeim að vera í mismunandi hæðum og formum – það er fallegt og skapar elegant stemningu.

Látlaust en fallegt! Hér er haldið í einfalda litatóna með náttúrulegu ívafi í dúk og servíettum.

Servíettur eru svo miklu meira en bara pappaservíettur - tauservíettur falla seint úr gildi og eru margnota, og því góðar fyrir umhverfið. Tauservíettur fást í ótal litum sem hífa upp stemninguna við borðhaldið og hægt er að gera ýmis smart brot á þær. Það er alls engin regla um að allar servíetturnar eigi að snúa eins á diskunum – leiktu þér með að binda mismunandi hnúta eða slaufur við hvern og einn disk.

Það gerist vart jólalegra en rauður dúkur á borðum, kertaljós og greinar í vasa.

Glervasi í hömruðu gleri. Dúka - 7.290 kr.

Mjúkar línur í þessum vasa. Líf og list - 10.950 kr.

Vasarnir frá RO fást í ýmsum stærðum og gerðumog fást í Epal.

Ljósar tauservíettur frá Humdakin, 2 í pk. Epal - 2.750 kr.

Jólatöfrar í servíettum frá Kähler, koma 4 í pk. Líf og list - 6.450 kr.

Tauservíetta frá Søstrene Grene - 564 kr.

Fullkomlega ófullkomið

Forðastu að skoða of mikið af því sem aðrir eru að gera og leitaðu að innblæstri úr daglegu umhverfi – þú gætir fengið góða hugmynd úr gamalli bíómynd eða í uppskriftabók. Njóttu þess að gera borðið að þínu og leiktu þér, það á að vera skemmtilegt að skreyta borð. En umfram allt leyfðu borðinu að vera fullkomlega ófullkomið!