Vetrartöfrar á veisluborðið
Heimili & hönnun - 7. desember 2022
Náttúran býr yfir óvæntum töfrum í kaldasta skammdeginu. Við sumarbjörtum tónum taka dýpri skuggar, skin af snjó, endurkast tungslins, berskjölduð tré, könglar og sígræna grenið. Þessi hughrif náttúrunnar má færa inn í stofuna enda er það villta í náttúrunni aldrei síðra en tilbúið skraut.
Tauservíettur úr nátturulegum efnum eru ekki eingöngu umhverfisvænn kostur heldur einstaklega hátíðlegar þegar dekka á veisluborðið.
Tauservíettur tóna vel með lifandi greinum, þurrkuðum reyniberjum eða öllu því sem nátturan í nærumhverfinu býður upp á.
Servíettuhringir eru skemmtileg viðbót á veisluborðið og auðvelda öll servíettubrot til muna.
Lifandi greinar, könglar, þurrkaðir ávextir og jafnvel valhnetur setja einstakt og nátturulegt
yfirbragð á veisluborðið.
Glasabakka má að sjálfsögðu nota sem borðskraut, t.d ofan á matardiska með fallegri servíettu á milli og köngli ofan á.
Það má nýta hangandi jólaskraut á marga vegu á veisluborðið, t.d á greinar í vasa, ljósakrónu eða sem skraut á matardiskinn.
Þessi klassíski viðardiskur á fæti nýtur sín á veisluborðinu, hvort sem er undir jólaterturnar, pinnamatinn eða skreytingar.
