Fara í efni

Leynitrix stílistans fyrir fermingar­veisluna

Heimili & hönnun - 3. febrúar 2024

Það er að mörgu að huga þegar kemur að því að undirbúa fermingarveislu. Litlu smáatriðin í borðskreytingum gefa gestum góða upplifun og ekki síst fermingarbarninu sem hefur jafnvel tekið þátt í skipulagningunni. Hér eru leynitrix stílistans fyrir fermingarveisluna.

Fyrst af öllu er að velja þema

Áður en við leggjum af stað í að skreyta borðin, þá er mikilvægt að sjá til þess að dúkarnir séu straujaðir og leirtauið hreint. Gott er að byrja á því að velja sér litaþema, því það setur tóninn fyrir restina af undirbúningnum og auðveldar okkur næstu skref varðandi val á skrauti, dúkum og öðru sem við kemur veislunni. Við mælum einnig með að kíkja á stílista-tips sem finna má HÉR.

Blóm gera mikið fyrir veisluborðið og hér má sjá einfalda útfærslu af sætaskipan.
Hér hefur dagskrá/matseðli verið komið fyrir á fallegum gylltum standi.

Fáðu þér sæti - sæti!

Það eru engar fastar reglur hvað varðar sætaskipan. Margir sleppa því alveg yfir höfuð að útbúa slíkt á meðan aðrir leggja sig fram við að útbúa matseðla og borðkort fyrir hvern og einn gest. Það má útfæra hugmyndina á ótal vegu, hvort sem skrifað er á einfaldan pappír eða hugsa út fyrir kassann.

Svona gerir þú matseðil / borðspjald fyrir borðhaldið

  1. Prentið út (eða handskrifið) matseðilinn á gegnsæjan pappír.
  2. Klippið út þykkan pappa í þeim lit sem þið óskið og límið á hvítan þykkan pappír.
  3. Límið því næst gegnsæju örkina á pappírinn og gerið gat í gegn.
  4. Dragið leðurband í gegnum gatið og leggið matseðilinn á hvern og einn disk.
  5. Takið eftir litla gegnsæja pokanum með smákökunni sem geymir einnig nafn þess sem á það sæti.
Mynd: Panduro
Mynd: Villabohema.dk

Gyllt hnífapör eru glæsileg á matarborðið, ásamt sykurhjörtum sem gleðja gestina. 

Hjá A4 er mikið úrval af allskyns merkispjöldum í ýmsum litum og stærðum.
Lítil hjörtu eru tilvalin að nota sem merkipjöld. Søstrene Grene - 194 kr.
Merkimiðar úr máluðum viði frá Søstrene Grene - 448 kr.

Ekki gleyma servíettum og dúkum

Algengast er að velja hvíta dúka þegar kemur að fermingum, en það má alveg stíga frá þeirri „reglu” og velja dúka í lit - hvort sem það er á veisluborðið sjálft eða á öll borð fyrir gestina. Hvítur dúkur á borðum stelur ekki eins mikið athyglinni og litaður, en á sama tíma, þá skreytir litaður dúkur borðið meira en ella.

Hjá H&M Home eru fallegir hördúkar fáanlegir - í mörgum stærðum og litum.

Servíettur geta verið af ýmsum toga, en fallegt er að velja tauservíettur í stíl við dúkinn eða í því litaþema sem valið er. Pappaservíettur eru þó langt um þægilegri í notkun og úrvalið er svo til endalaust þegar kemur að þeim. Það má brjóta um servíettur á ýmsa vegu, binda á þær hnút eða skreyta með nafnaspjöldum, greinum eða fallegum borða svo eitthvað sé nefnt.

Mynd: Cooee
Servíettur með hlébarðamynstri. Líf og list - 1.250 kr.
Tauservíettur frá Humdakin fást í Epal - 2.750 kr.
Mjúkar tauservíettur fást í Søstrene Grene - 998 kr.
Fallegar servíettur frá Iittala. Líf og list - 1.250 kr.
Sumar servíettur eru blómlegri en aðrar og þessar kalla á vorið. Søstrene Grene - 448 kr.

Skrautið sem setur punktinn yfir i-ið

Borðskreyting er alltaf lokahnykkurinn við hvaða borðhald sem er, og í raun eru engin takmörk fyrir því hvernig við skreytum borðið. Það er þó gott að muna að skrautið þarf ekki að yfirtaka borðið, því það þarf líka að vera pláss fyrir mat og drykk.

BLÓM
Fersk blóm í vasa gefa góða angan og fylla veisluna af vori sem er rétt handan við hornið. Það er fátt sem jafnast á við litrík blóm þegar sest er til borðs, fyrir utan hvað blóm eru mikil skreyting út af fyrir sig og það þarf varla neitt annað.

Setjið blóm í nokkra misháa vasa til að hafa á borði ásamt litlum skálum með sætum syndum til að narta í.
Mynd: A Table Story
Mynd: A Table Story

KERTI
Kerti eru ómissandi hlutur við hvert borðhald - þau gefa hlýju og birtu hvar sem þau lenda. Fallegt er að blanda saman misháum kertum og sprittkertum til að skapa meiri dýpt á borðin. Kerti finnast í ótal litum, stærðum og gerðum og því ættu allir að finna kerti við sitt hæfi. 

Snúin kerti í pasteltónum, 6 í pk. Penninn - 4.199 kr.
Vinsælu batteríkertin frá UYUNI fást í Epal.
Kertin frá STOFF eru lituð alveg í gegn og brenna fallega niður, 12 stk. í pk. Líf og list - 1.680 kr.
Hamingjuljós eftir Ruth Ingólfsdóttur. Kertin eru handgerð og hvert kerti er einstakt á sinn hátt, 2 í pk. Líf og list - 1.450 kr.
Kerti sem setja tóninn á borðið. Søstrene Grene - 792 kr.
Tvílit, einlit, mjó og breið! Úrvalið er svo til endalaust hjá Søstrene Grene.
The Curly kertin frá Specktrum koma fjögur saman í pakka og er hvert og eitt handunnið, snúið og dýft í litað vax. Dúka, 2.190 kr.

BLÖÐRUR
Það ætti að vera ólöglegt að halda veislu án þess að blöðrum sé boðið með. Blöðrur eru alltaf skemmtilegi „gesturinn” í veislunni sem kætir alla. Blöðrubogar hafa þótt vinsælir síðustu misseri og það er auðveldara en marga grunar að binda slíkan saman. Eins er fallegt að setja helíum í stærri blöðrur sem taka jafnvel á móti gestunum, eða festa nokkrar við þung lóð og setja á hvert og eitt borð - þá verður fallegt að horfa yfir salinn og sjá hvernig borðskreytingin teygir sig upp í loft.

Blöðrubogar eru vinsælir í veislum. Þessar pastellituðu blöðrur fást hjá A4, 12 í pk. - 699 kr.
Mynd: @pro_schastye_
Mynd: Pinterest
Fánalengja úr pappa, fæst einnig bleik og marglit. Søstrene Grene - 618 kr.
Gegnsæjar blöðrur með confetti. Søstrene Grene - 432 kr.
Það er skemmtilegt að dreifa confetti yfir veisluborðið. Søstrene Grene - 780 kr.
Pappírsblæjur setja skemmtilegan svip á veisluna. Søstrene Grene - 1.480 kr.
Mynd: Pinterest
Mynd: A Table Story
Þá er bara um að gera að leyfa hugmyndafluginu að taka völdin!

Meira úr heimili & hönnun

Heimili & hönnun

Páskaföndur og fínerí

Heimili & hönnun

Páskaborðið upp í bústað að hætti stjörnustílista

Heimili & hönnun

Vor í lofti hjá H&M Home

Heimili & hönnun

3 áberandi stílar innanhúss sem þú mátt ekki missa af

Heimili & hönnun

Heitustu innanhússtrendin 2024

Heimili & hönnun

Stjörnu­stílistinn Þórunn Högna skreytir jólaborðið

Heimili & hönnun

Jólagjafa­hugmyndir Lindu Ben

Heimili & hönnun

Góð ráð frá stílista fyrir hátíðarborðið