Gjafirnar sem slá í gegn fyrir útskriftarnemann
Lífsstíll - 14. júní 2023
Við göngum svo langt að kalla árstímann þegar nemendur útskrifast - stórhátíð. Því fyrir alla er útskriftin stór og merkilegur áfangi sem ber að fagna. Hvítir kollar sjást víða yfir sumartímann, enda fleiri hundruð sem setja upp húfuna ár hvert. Hér eru okkar bestu hugmyndir að gjöfum fyrir útskriftarnemann - sem allar slá í gegn.
Veggspjald eða listaverk
Falleg mynd á vegginn er góð gjöf fyrir þann sem hefur gaman að skreyta veggina sína. Því það er aldrei hægt að vera með of mörg plaköt eða listaverk á veggjum - sem fást í hinum ýmsu stærðum og gerðum.
Fallegt veggspjald í stærðinni 70x100 cm. Snúran - 23.500 kr.
Vinsæla gjöfin
Eitt það vinsælasta sem hægt er að gefa í útskriftargjöf er án efa taska - þá ferðataska, tölvutaska eða bakpoki. Slíkar gjafir slá alltaf í gegn!
Fánýtur fróðleikur
Góðar bækur eru hin fullkomna gjöf - þær eru fræðandi og sumar hverjar má nota sem hið fínasta stofustáss.
Bók frá KINFOLK sómir sér á hvaða borði sem er. Penninn Eymundsson - 8.199 kr.
Vörur fyrir heimilið
Þegar húfan er komin á kollinn, þá líður oft ekki á löngu þar til útskriftarneminn flýgur úr hreiðrinu. Þá koma hin ýmsu tæki og tól að góðum notum fyrir heimilið, sem og eigulegir hlutir sem munu fylgja viðkomandi út lífið.
Einn strawberry margarita - takk!
Það fer ekkert á milli mála að einhverjir munu hrista nokkra kokteila í sumar - hvort sem um áfenga eða óáfenga drykki sé að ræða, þá er mikilvægt að vera með réttu græjurnar við höndina.
Glös eru ómissandi undir litríkan kokteil og þessi kristalsglös hér eru frá Frederik Bagger. Glösin fást í nokkrum litum og koma tvö saman í pakka. Epal - 7.600 kr.
Fyrir tækninördið
Sumir eru meira fyrir nýjungarnar en aðrir, en tækninördið veit alveg hvað það vill.
Upplifun er ómetanleg
Það er enginn sem slær hendinni á móti góðri upplifun, sem leyfir minningunni að lifa lengur en annað. Þá er gjafakort í Smáralind góð gjöf, þar sem viðtakandinn getur keypt sjálfur það sem hugurinn girnist - farið út að borða eða skroppið í bíó.
