Salatið sem Jennifer Aniston borðaði á hverjum degi í 10 ár

Jennifer Aniston-salatið sem gerði allt vitlaust

Gerir sirka 6 skammta
Uppskrift

3 bollar bókhveiti

1 bolli agúrka, fínt skorin

1/2 bolli rauðlaukur, fínt skorinn

1/2 bolli fersk steinselja

1/4 bolli fersk mynta, skorin

1 bolli fetaostur, mulinn

1 dós kjúklingabaunir

1/2 bolli pistasíuhnetur

1/2 bolli kalkúnabeikon, skorið í litla bita

1/4 sítrónusafi

2 matskeiðar extra virgin-ólífuolía

1 teskeið sjávarsalt

1/2 teskeið svartur pipar
Leiðbeiningar

Sjóðið bókhveitið eftir leiðbeiningum á pakka. Þegar það er fullsoðið, setjið þá í skál og leyfið því að kólna.

Steikið kalkúnabeikonið á pönnu þangað til það er vel stökkt. Takið af pönnunni og skerið í litla bita. Minnsta mál að sleppa þessu fyrir þá sem vilja halda salatinu vegan.

Skerið restina af innihaldsefnunum.

Útbúið dressinguna. Hrærið saman sítrónusafa, ólífuolíu, salti og pipar.

Blandið innihaldsefnunum saman með dressingunni.

Til að gefa salatinu meira „krönsj“ er gott að steikja kjúklingabaunirnar og krydda svo eftir smekk.

Þetta er eitt af uppáhaldssalötum Jennifer Aniston sem hún borðaði gjarnan meðan á upptökum Friends-þáttanna stóðu yfir. Það hefur gert allt vitlaust á samfélagsmiðlum og þykir með eindæmum ljúffengt.

Verið óhrædd við að setja ykkar brag á salatið, t.d með kjúklingabringu eða öðru grænmeti eða kornmeti sem til er heima hverju sinni.

Sagan segir að Jennifer, Lisa og Courtney hafi allir verið sjúkar í salatið hennar Jennifer á meðan á tökum á Friends-þáttunum stóð. Við getum ekki beðið eftir því að prófa salatið sjálfar. Bon Appétit!