9 bestu nude varalitirnir fyrir alla húðtóna

Ef þú er að leita að hinu fullkomna glossi, þá þarftu ekki að leita lengra. Dior Addict-glossið númer 640 er hinn fullkomni tónn og ekki nóg með það heldur gerir hann varirnar ómótstæðilega djúsí!
Fæst í Hagkaup, Smáralind.

Varaliturinn Suzuran Nude frá Sensai hefur verið skyldueign í töskunni okkar síðustu ár og við höfum mælt með honum við alla sem vilja hlusta. Að okkar mati hinn fullkomni hversdagsvaralitur sem gengur við allt. Svo er ekki verra að hann inniheldur silki sem nærir varirnar. (Við mælum með því að skoða hann í Hagkaup í Smáralind því myndin er svolítið villandi.)

Super Cindy frá Charlotte Tilbury er eins og nafnið gefur til kynna innblásinn af súpermódelinu Cindy Crawford. Hann er mattur, með ferskjulituðum undirtón og hentar öllum húðtónum sem við höfum séð hann á. Ókostur að hann fæst ekki hér á landi.
(Hægt að panta á Cult Beauty)

Hér má sjá Super Cindy á nokkrum húðtónum.

Ódýrasti varaliturinn á þessum lista kemur úr smiðju L´oréal en hann er númer 642 og fæst í Lyfju og Hagkaup, Smáralind. Áferðin er eins og á varasalva, undirtónninn frekar kaldur og hann gefur miðlungsþekju.

Varaliturinn Boy frá Chanel er goðsagnakenndur og hefur notið mikilla vinsælda um heim allan. Formúlan er varasalvakennd og undirtónninn er kaldur og bleikur en hann fer þeim sem eru með ljósan húðlit einstaklega vel.
Fæst í Hagkaup í Smáralind.