Hátíðarlína Chanel 2022

Ef þú vilt gera vel við þig eða tríta þær sem þér þykir vænt um með fallegum Chanel-pakka um jólin þá er um að gera að nýta sér Risa Tax Free-daga sem standa yfir í Hagkaup, Smáralind.

Jól og áramót hjá Chanel

Hér má sjá augnskuggapallettuna úr hátíðarlínunni, kremaðan varalitinn og risastóran highlighter.

Augnskuggapallettan inniheldur fjóra liti með mismunandi áferð, frá satín yfir í glimmer. Einstaklega klæðilegir fyrir alla augnliti og gefa augunum fallega dýpt og ljóma.

Augnskuggapallettan úr hátíðarlínu Chanel 2022 er einstaklega falleg í ár.

Svolítið extra

Til að ná fram ákveðnum x-faktor í augnförðuninni kemur augnglossið úr hátíðarlínunni sterkt inn en það er hægt að nota á augnlokið, inní augnkrókinn eða undir augabrún, fyrir extra ljóma og ákveðið „je ne sais quoi“

Hér má sjá hvað það kemur vel út að nota augnglossið í augnkrókinn.

Notaðu augnglossið í augnkrókinn, yfir augnlokið eða undir augabrún fyrir ákveðið „je ne sais quoi“.

Ljómandi ljómapúður

Í hátíðarlínunni má finna risastórt og sparilegt ljómapúður sem kemur í tveimur litum, rósargylltu og gylltum tón.

Ljómapúðrið í litnum Or Rose er með rósargylltum tón.

Berðu ljómapúður á kinnbeinin, niður nefið, fyrir neðan augabrún og á viðbeinin.

Naglalökk í hátíðartónum

Þrjú lökk eru í línunni, dimmrauður, grængylltur og glimmerað top coat sem hægt er að nota eitt og sér eða yfir aðra liti.

Hér er top coat-ið notað yfir rauða litinn.

Jólalegir varalitir

Tvennskonar varalitaformúlur eru í línunni, annars vegar kremaður en mjög litsterkur og hinsvegar „varalakk“ sem helst á vörunum eins og fátt annað sem við höfum prófað. Hér eru uppáhaldslitirnir okkar.

Rouge Allure L´Extrait í lit 817 er guðdómlegur rauður litur með örlitlu shimmeri.

Rouge Allure L´Extrait í lit 827 er dásamlegur, kremaður brúntóna varalitur.

Förðunarfræðingur HÉR ER er kolfallin fyrir Rouge Allure Laque í lit 88-Rose Mystére. Svakalega klæðilegur rósar-nude litur með brúnum undirtón og endingin er fáranlega góð. Formúlan er kremuð og þurrkar ekki varirnar. 100% meðmæli!