10 beisik en ekki boring flíkur og fylgihlutir til að fjárfesta í fyrir sumarið

Tíska - 11. maí 2022

Eins heillandi og kjólar í nýjasta tískulitnum og mest trendí fylgihlutir næstu árstíðar eru, þá verðum við að vera talskonur klassískra flíka og fylgihluta sem standast tímans tönn. Stílistinn okkar sérvaldi topp 10 lista sem vert er að fjárfesta í fyrir sumarið, hvort sem þú ætlar að spóka þig á suðurlandi eða í Suður-Frakklandi.

1.hlýrabolur

Það mæðir mikið á klassíska hlýrabolnum í sumar eins og oft áður og af augljósri ástæðu-hann gengur við bókstaflega allt!

Paraðu hvítan hlýrabol við kasjúal dragt í sumar og lúkkið er fullkomnað!

2. víðar og kasjúal buxur

Þægindin í fyrirrúmi er góð mantra í sumar og buxurnar sem eru hvað vinsælastar núna eru einmitt víðar og úr léttum efnum. Klassík sem hentar jafn vel í sólarlöndum og hér heima.

Þú getur dressað víðar buxur upp og niður, allt eftir tilefni og fylgihlutunum sem þú parar við!

Ef þú vilt poppa upp á víðu buxurnar þá geturðu stolið stílnum frá Emili Sindlev og valið gulan lit!

Víðar, beinar buxur, hlýrabolur, hvít skyrta og strigaskór og þú ert komin með hið fullkomna sumarátfitt!

3.gallajakki

Gamli, góði gallajakkinn er alger skyldueign sem gott er að taka fram á þessum árstíma. Það góða er að hann passar við nánast allt og auðvelt er að finna snið eftir smekk hvers og eins. Hvort sem þú fílar "oversized", rifinn, "vintage" eða aðsniðinn, ættirðu að geta fundið gallajakka í verslunum í dag.

Gallajakkar í yfirstærð eru inni þessa tíðina.

4. sandalar

Vandaðir sandalar sem ganga jafnt í borg og á strönd er eitthvað sem er þess virði að fjárfesta í.

Birkenstock klassík! Steinar Waage, 13.995 kr.

5. gallastuttbuxur

Segir sig sjálft, fullkominn ferðafélagi í sumar!

6. sæt sólgleraugu

Ein besta fjárfestingin fyrir sumarfataskápinn eru vönduð og góð sólgleraugu. Við erum með augastað á nokkrum!

Við mælum allan daginn með því að setja styrk í sólgleraugun sín fyrir fólk sem þarf að nota gleraugu. Þvílíkt lifechanging!

7. hörflíkur

Hvort sem það er skyrta eða buxur þá eru hörflíkur tímalausar og algert möst að eiga yfir sumartímann og henta sérstaklega vel í sólarlöndum þar sem rakinn er meiri (og krumpurnar síður áberandi!)

Hversu chic eru þessar hörbuxur í þessum terracotta-lit?

8. körfutaska

Körfutöskur úr basti hafa verið vinsælar síðustu árin en ætli það hafi ekki verið Jane Birkin sem gerði stílinn ódauðlegan á áttunda áratugnum. Við köllum þetta klassík sem mun koma sér vel hvert einasta sumar.

Stílgyðjan Jane Birkin gerði körfutöskuna ódauðlega á áttunda áratugnum.

9. litli, hvíti kjóllinn

Látlaus, hvítur sumarkjóll sem gengur við allt og ekkert er eitthvað sem við verðum að eiga á góðum sumardögum. Okkur þykir ekkert verra ef hann er bróderaður eða með einhverjum smávegis x-faktor!