Steldu stílnum hennar Laufeyjar
Það verður sannkölluð Laufeyjar stemning í Smáralind dagana fyrir tónleika hennar í Kórnum um helgina en boðið verður upp á fríar sætaferðir frá Smáralind. Sérstakt Laufeyland opnar líka þann 10. mars þar sem TGI Fridays var áður og þar verður stemningin keyrð upp með tónlistaratriðum, armbandagerð, gjafaleikjum, sölu á Laufey-varningi og fleiru. Auk þess verður settur upp Laufeyland-kastali á 1. hæð Smáralindar, þar sem gestir geta tekið myndir við eitt af einkennistáknum tónleikanna. Við hitum upp fyrir tónleikana en hér er forskot á sæluna og hægt að stela stílnum frá Laufeyju.
Ballerínuskórnir eru ómissandi!
66°Norður x Laufey
Samstarfslína 66°Norður og Laufeyjar fer í almenna sölu í vefverslun sem og í versluninni í Smáralind þann 10. mars.
„Laufeyju er margt til listanna lagt en hún er ekki bara söngkona heldur einnig tónskáld, upptökustjóri, spilar á ótal hljóðfæri og nýverið tvöfaldur Grammy-verðlaunahafi. Laufey ólst upp við klæðast 66°Norður á leikvöllum landsins og gerir enn í dag. Það var því afar skemmtilegt að vinna að samstarfslínu með henni og tvíburasystur hennar, Júníu,“ segir á vef 66°Norður. „Þegar ég hugsa tilbaka um uppvaxtarárin mín á Íslandi rifjast upp þegar ég gekk í skólann eða í tónlistartíma í alls konar veðri, en alltaf vel varin í flíkum frá 66°Norður. Það eru því sannkölluð forréttindi að fá að hanna og gefa út línu í samstarfi við eitt framsæknasta og fremsta fyrirtæki landsins,“ segir Laufey.
Línan var þróuð í nánu samstarfi með Laufeyju og tvíburasystur hennar og listrænum stjórnanda, Júníu. Línan samanstendur af fimm vörum sem henta vel í hversdagslega notkun, þar sem að stíll Laufeyjar skín í gegn.
