Taktu þessi trend með þér í vinnuna
Tíska - 19. ágúst 2026
Nú þegar haustið nálgast óðfluga og við snúum aftur til vinnu eftir gott sumarfrí er kominn tími til að gefa fataskápnum smá uppfærslu. Nýjar haustvörur fylla verslanirnar og tískan býður upp á ótal spennandi leiðir til að endurnýja vinnulúkkið. Við lítum yfir á meginlandið þar sem stílstjörnurnar sóttu tískuvikur og sækjum innblástur í stílhreinar og smartar flíkur (og nokkur spennandi trend) sem taka vinnugallann upp á næsta stig.
Jakkinn
Jakkinn er lykilatriðið í vinnufataskápnum í haust. Oversized blazerinn er enn í fullu gildi en við sjáum líka meira af kvenlegum, aðsniðnum jökkum sem fara einstaklega vel með aðsniðnum pilsum og skapa elegant og retró vinnulúkk.
Leiktu þér með mismunandi áferðir og ekki vera hrædd við liti! Peysa bundin um mittið eða axlir er praktísk leið til þess.
Pils
Aðsniðin pils, pilsadragtir og flæðandi síð pils eru meðal heitustu trendanna um þessar mundir. Ef þig langar að fríska upp á fataskápinn fyrir haustið er því kannski kominn tími til að taka fram pilsin sem hafa fengið að bíða í fataskápnum, eða fjárfesta í einu nýju sem fær að njóta sín í sviðsljósinu.
Leitaðu að yfirhöfn í einum af grunnlitunum ef þú vilt fylgja nýjustu tískustraumunum.
Punkurinn yfir i-ið
Ef þú þarft að nota gleraugu eru þau fullkomin leið til að setja punktinn yfir vinnulúkkið. Hér eru nokkur sem gera okkur extra spenntar fyrir haustinu.
Vinnutaska
Góð vinnutaska er algjört möst en hún þarf að rúma fartölvuna, símann og glossið á sama tíma og hún er smart og stílhrein og gengur við allt í fataskápnum.
„Öðruvísi buxur“
Svokallaðar capri-buxur eða kvartbuxur, cargobuxur og víðar buxur í sportlegum stíl eru góð leið til að krydda aðeins vinnufataskápinn.
Innblástur
Stílstjörnurnar á tískuvikum meginlandsins gáfu okkur hellings innblástur fyrir komandi haust.
Góðir langermabolir lúkka áreynslulausir og smart. Fjárfestu í einum slíkum í litasamsetningu sem heillar þig og þú getur klæðst honum við nánast hvað sem er í fataskápnum.
Vínrauðar varir smellpassa við haustið og koma best út ef restin af förðuninni er haldið í lágmarki. Nú er tíminn til að taka fram uppáhalds „vampy“ varalitinn.
Hálsklút er hægt að nota á marga vegu til að poppa upp á átfittið.
Ilmur af hausti
Þegar haustið ber að garði veljum við ilminn í stíl við fallandi lauf og kósíheit. Hér eru nokkrir sem við mælum með fyrir þennan árstíma.
