Heitustu tískutrendin í vetur
Tíska - 5. nóvember 2026
Veturinn 2026 er allt annað en látlaus þegar tískan er annars vegar. Dramatískar yfirhafnir, áberandi leðurflíkur, rómantískar blúndur og kraftmikil snið setja tóninn fyrir tímabilið. Mjúkur kvenleiki mætir hráum töffaraskap og klassískar flíkur fá nýtt líf með spennandi áferðum og óvæntum andstæðum. Útkoman er fáguð, djörf og full af persónuleika. Við rýnum í helstu tískustrauma vetrarins.
Löðrandi leðurlúxus
Leðrið heldur áfram að ráða ríkjum, en fær nú djarfara og meira spennandi yfirbragð. Frá stórum leðurjökkum og síðum kápum til þröngra sniða og áberandi smáatriða færi leðrið fataskápnum hæfilegan skammt af rokki, karakter og áreynslulausum töffaraskap.
Leðurflíkur í haustlitunum halda velli en við munum líka sjá sterka liti eins og þann rauða, sem verður vinsæll í vetur.
Áberandi yfirhafnir og gervifeldir
Meira er meira þegar kemur að yfirhöfnum vetrarins. Fyrirferðarmiklir gervifeldir, dramatísk snið og áberandi áferðir (og mynstur) stela senunni og gera jafnvel einfaldasta klæðnað spennandi.
Teddy kápurnar halda áfram að vera sjóðheitar eins og sést hér á Tamöru Kalinic.
Dýramynstur fær að njóta sín á óhefbundinn hátt með litasamsetningum sem vekja athygli.
Fyrirsætan Elsa Hosk baksviðs hjá Khaite í hlébarðakápu sem við erum sjúkar í!
Valdeflandi vinnustíll
Skarpar axlir, áberandi snið og vel sniðnar dragtir færa tísku níunda áratugarins aftur í sviðsljósið. Þessi valdeflandi stíll snýst um að taka pláss, sýna sjálfstraust og láta klæðnaðinn tala sínu máli – með nútímalegu og fáguðu yfirbragði.
Rokk og rómantík
Rómantíkin fær nýtt og ögn djarfara yfirbragð. Fínlegar blúndur, pífur og gegnsæ efni mæta leðri, grófum stígvélum og óvæntum andstæðum. Útkoman er kvenleg, en langt frá því að vera saklaus.
Blúndur verða paraðar við leður og rokk og rómantík verður kombó vetrarins eins og sést hér hjá tískuhúsinu Khaite.
Dramatískar yfirhafnir, áberandi leðurflíkur, rómantískar blúndur og kraftmikil snið setja tóninn fyrir tímabilið. Mjúkur kvenleiki mætir hráum töffaraskap og klassískar flíkur fá nýtt líf með spennandi áferðum og óvæntum andstæðum. Útkoman er fáguð, djörf og full af persónuleika.
