Stærstu trendin á tískuviku í Köben
Tíska - 3. febrúar 2026
Tískuvikan í Kaupmannahöfn er nýafstaðin og götutískan stal senunni. Stílstjörnurnar mættu margar hverjar í flippuðum átfittum þar sem skandinavískur sjarmi, trend og smá óvænt tvist fóru saman. Hér eru topptrendin sem við spottuðum á götum Köben að þessu sinni en við elskum að fylgjast með hverju dönsku frænkur okkar klæðast.
Hattar og höfuðföt
Loðhúfur, skuplur, heklaðar húfur, hattar í stíl sjötta áratugarins og „newsboy“ húfur í anda Keiru Knightley í Love Actually eru meðal þeirra höfuðfata sem við sáum á nýafstaðinni tískuviku í Köben. Í einu orði sagt eru húfur að trenda en sirka 90% kvenkyns gesta báru höfuðföt í ár en ætla má að veðrið hafi spilað stóra rullu.
Pelsar og loðkápur
Veðrið hefur einnig haft mikið að segja þegar gestir tískuvikunnar í Köben völdu yfirhöfnina fyrir daginn en við höfum sjaldan séð jafnmarga pelsa samankomna á tískuviku áður.
Dass af rauðu
Dönsku stílstjörnurnar eru skotnar í því að nota rauða litinn til að gefa átfittinu líf eins og sjá má á meðfylgjandi myndum.
