30 vel valin dress í veisluna
Tíska - 28. mars 2022
Nú þegar ekkert hefur mátt gera lengi er ekki laust við að fólk sé orðið frekar þyrst í veisluhöld. Þá er nú gaman að splæsa í nýtt dress og njóta þess að sýna sig og sjá aðra. Hér eru nokkur vel valin frá stílistanum okkar.
Svartur, karlmannlegur blazer gerir rómantískan kjól töffaralegri.
Rómantík
Rómantískir kjólar eru klassískir í brúðkaupsveisluna í sumar.
Notaðu varalit sem fylgihlut! Nýju Shine Addict-varalitirnir frá Dior eru silkimjúkir og litsterkir. Fást í Hagkaup, Smáralind.
Studio lína
Svokölluð Studio-lína Zara er nýkomin út en hún inniheldur nokkur mjög veisluvæn dress.
Opið bak er ákveðinn vá-faktor!
Satínkjólar í undirkjólastíl eru sexí og auðveldir í stíliseringu við blazer, geggjaða hæla og flotta tösku.
Poppaðu upp á dressið með fylgihlutum í skærum lit.
Fylgihlutir í skærgrænum lit eru heitasti tískuvarningurinn um þessar mundir.
Dragtir
Dragtir eru sjóðheitar, hvort sem þú kýst mínípils-útgáfu eða satíndragt með klauf á buxunum eins og sjást hér fyrir neðan, þá færðu pottþétt tískuprik í kladdann fyrir klæðaburð á næsta mannamóti.
Vertu óhrædd við að para saman skæra og skemmtilega liti.
Samfestingar verða sjóðheitir í sumar!
