Flottustu (og ljótustu) skórnir í vor
Tíska - 12. janúar 2022
Skótískan í vor er ansi tvístruð. Annars vegar má sjá algera prinsessuskó slá í gegn en á hinn bóginn eru margir ansi ljótir. Stóra fréttin er sú að platform-skór eru mál málanna á næstunni.
Prinsessuskór
Tveir skóhönnuðir standa uppúr á Instagram og eru að gera allt vitlaust meðal áhrifavalda og stílstjarna vestanhafs. Það eru þau Amina Muaddi og skóframleiðandinn Mach & Mach. Það mætti helst lýsa skóm þeirra sem algerum prinsessuskóm, svona eins og maður sér helst í ævintýrunum.
Svoo fallegir Barbie-skór frá Mach & Mach sem allir eru að missa sig yfir.
Amina Muaddi er drottning skótískunnar.
Amina tekur líka þátt í platform-æðinu sem tröllríður tískunni á næstunni.
Mach & Mach þekkjast á slaufunni!
Draumauppstilling skóperrans!
Skemmtileg útfærsla hjá Amina Muaddi.
Platform æði
Enn á ný eru platform-skórnir í tísku. Sitt sýnist hverjum en munið það sem við sögðum, þeir verða allstaðar á komandi misserum.
Fylltir sandalar
Fylltir sandalar í líkingu við þá sem voru sjóðheitir í kringum aldamótin skjóta upp kollinum í vor og sumartískunni. Já eða nei?
Skvísuskór í anda Sex & The City
Við sjáum Carrie fyrir okkur rokka þessa.
Fjaðrir verða áberandi í vortískunni.
Kynþokkafullir með meiru hjá Saint Laurent.
Carrie myndi rokka þessa eins og enginn væri morgundagurinn.
Vorum við ekki að tala um fjaðrir?
Diskó-platform.
Dásamlegt númer frá Fendi by Versace.
Flippaðir
Hér eru nokkrir flippaðir og flottir af vortískusýningarpöllunum.
Hversu gjörsamlega geggjaðir eru þessir eggjandi hælar frá Loewe?
Við erum líka að fíla þessa naglalakkahæla frá Loewe.
Aldamóta ALLT!
Skótískan er líka undir miklum áhrifum frá aldamótatískunni en tískuhúsið Blumarine tók lúkkið alla leið með fiðrildaþema og gallastígvélum sem myndu sóma sér vel á Britney og Justin.
