Innblástur að vinnufötum frá götutískunni í New York

Tíska - 15. september 2025

Götutískan á tískuviku í New York minnti okkur á hvernig persónulegur stíll nýtur sín best í hversdagsleikanum. Þar mættust tímalaus snið, elegant flíkur og fylgihlutir í fallegri blöndu sem skapaði innblásna heildarmynd – ekki síst þegar kemur að fatavali í vinnuna. Með okkur heim tókum við ekki aðeins nýjustu trendin, heldur líka hugmyndina um að skrifstofufötin megi endurspegla ferskan, persónulegan og nútímalegan stíl.

Peysa sem fylgihlutur

Peysa bundin um axlir eða mitti er lúmsk leið til að gefa dressinu eitthvað smá extra. Hún brýtur upp línurnar og gefur „átfittinu“ afslappaðað og kúl tvist.

Peysa í skærum lit, bundin um mittið gerir heilmikið fyrir heildarmyndina.

Dýrleg dragt

Dragtin er gullmoli í fataskápnum – klæðileg, klassísk og alltaf viðeigandi. Það besta er að hægt er að stílisera gömlu, góðu dragtina á svo marga mismunandi vegu - með strigaskóm verður hún afslöppuð, með hælum fáguð og með litríkum fylgihlutum fær hún alveg nýtt líf.

Leiktu þér með mismunandi belti til að gefa dragtinni ferskan blæ.

Pæjuleg pils

Pilsið er eitt það besta sem þú getur valið í vinnuna – bæði klæðilegt og faglegt í senn. Núna eru þau líka í algleymingi í tískunni, bæði aðsniðin og í meira flæðandi sniðum. Eins hafa kakípils, leðurpils og satínpils komið sterk inn síðustu misserin.

Reffilegur rykfrakki

Rykfrakkinn er lykilflík í vinnufataskápnum – hvort sem þú velur hann stuttan og sportlegan eða klassískan og síðan.

Gömlu, góðu gallabuxurnar

Gallabuxurnar eru algjörlega ómissandi – klassískar, þægilegar og passa við allt. Þær eru grunnurinn sem hægt er að stílisera upp eða niður, eftir því hvort dagurinn kallar á afslappað eða fágað vinnulúkk.