Heitustu yfirhafnirnar á herrana í haust
Tíska - 27. ágúst 2025
Þegar haustið læðist að skiptir yfirhöfnin lykilmáli enda ein praktískasta flíkin í fataskáp Íslendinga. Í ár sjáum við klassíska rykfrakka sem gefa klæðnaðinum fágun, leðurjakka með töffaralegum blæ og sportlega, létta jakka sem henta jafnt í borginni sem og á ferðinni milli funda. Þetta eru flíkur sem sameina þægindi og stíl og setja punktinn yfir i-ið þegar kemur að hausttískunni.
Reffilegur rykfrakki
Rykfrakkinn er tímalaus og elegant, fullkominn yfir jakkafötin eða einfaldlega dagsdaglega. Yfirhöfn sem passar við nánast allt í fataskápnum og hægt að „layera“ á ótal vegu.
Það er vel hægt að stela nokkrum tískuráðum frá þessum um það hvernig flott er að „layera“.
Lekker leðurjakki
Með leðurjakkanum geturðu sýnt þinn innri töffara. Jafn ómissandi í fataskápinn í haust og góðir skór.
Prófaðu þig áfram með litasamsetningar í haust. Skærblár við súkkulaðibrúna litinn er geggjað litakombó.
Sérlega sportí
Léttur, hagnýtur og þægilegur hversdagsjakki er ómissandi í haustveðrinu og eitthvað sem er alltaf gott að eiga í fataskápnum.
Klassískar flíkur með skemmtilegu tvisti, eins og kraga í öðrum lit eru skemmtileg tilbreyting.
Gamli, góði gallajakkinn stendur alltaf fyrir sínu og er góður á þessum árstíma. Þessi fæst í Levi´s og kostar 22.990 kr.
