Fáðu innblástur fyrir vorið frá stílstjörnunum í Mílanó

Tíska - 28. febrúar 2024

Tískudrottingarnar flykktust til Mílanóborgar á dögunum þar sem tískuvika var haldin með pompi og prakt. HÉR ER notaði tækifærið og myndaði dívurnar í sínu fínasta pússi og við leyfum okkur að fá tískuinnblástur beint í æð. Nú fer að koma tími til að „öppdeita“ fataskápinn fyrir vorið og verslanir Smáralindar fyllast af fallegum flíkum og fylgihlutum sem gefa honum vorlegra yfirbragð.

Vottur af vori

Svartur staðalbúnaður íslenskra kvenna má taka aftursætið smám saman þegar sólin fer að hækka á lofti. Þá er gaman að geta tekið fram ljósari tóna og léttari flíkur eftir langan og dimman vetur. Hér erum við með nokkrar hugmyndir að því sem gott er að fjárfesta í fyrir vorið, eins og léttar kápur í ljósum tónum en eins er gott að taka til í fataskápnum og leyfa pilsum að fá sitt móment í sviðsljósinu.

Léttar kápur og rykrakkar í ljósum beistónum er eitthvað sem alltaf er gott að eiga í fataskápnum þegar styttist í vorið.

Dásamlegir brúnir og laxableikir tónar sem spila fallega saman.

Kakíbuxur og bomberjakkar eru enn mál málanna ef marka má tískudívurnar.

Peysur má nota um mittið eða axlirnar til að gefa átfittinu eitthvað extra.

Hvítt frá toppi til táar er viðeigandi með hækkandi sól.

Fagurgrænt og takið eftir hárbandinu í næntís-stíl sem er að trenda.

Gráir tónar poppaðir upp með rauðri tösku.

Steldu stílnum

Nú fer alveg að líða að því að við tökum fram klassíska rykfrakkann enn á ný, við getum ekki beðið!

Pils í öllum stærðum og gerðum

Með hækkandi sól mega pilsin gjarnan fá meiri tíma í sviðsljósinu en upp á síðkastið hafa hnésíð pils komið sterk inn en mínípilsin og gegnsæ pils verða líka áberandi og eins pils í kakístíl og plíseruð pils.

Öppdeitaðu fataskápinn fyrir vorið með pilsi í þeim stíl sem þú fílar, úr mörgu er að velja.

Plíseruð pils í skólastelpustíl eru að trenda.

Gleraugu eru geggjaður fylgihlutur

Nú getum við sem notum gleraugu loksins vera trendí en tískukrádið rembist við að nota gleraugu sem fabjúlös fylgihlut þessa dagana. Ekki kvörtum við enda elskum við falleg gleraugu.

Nú förum við bráðum að taka fram léttar prjónapeysur sem munu njóta sín vel í vor og sumar.

Kúrekastíll

Kúrekastíllinn á mikla endurkomu í tískuheiminum hjá öllum kynjum. Ertu reddí í kúrekastígvél og kögurjakka?

Emili Sindlev falleg að vanda með kúrekahatt á tískuviku í Mílanó.

Gæjaleg kúrekastígvél á tískuviku í Mílanó.

Diesel kombakk

Síðustu misseri hefur ítalska tískuvörumerkið Diesel átt þvílíka endurkomu inn á markaðinn og er nú jafnvel enn meira áberandi en í kringum aldamótin. Hér eru nokkur dress frá Diesel sem skinu hvað skærast á tískuviku í Mílanó.

Ítalska tískuvörumerkið Diesel á sterka endurkomu inn í tískuheiminn.

Steldu stílnum

Fylgihlutirnir

Næntís-hárbandið er að trenda enn á ný, uppháir leðurhanskar sáust á fjölmörgum tískusýningarpöllum stærstu tískuhúsanna og áberandi eyrnalokkar halda áfram vinsældum sínum.