Skrítnustu og skemmtilegustu múnderingarnar á tískuviku í París
Tíska - 13. mars 2023
Götutískan á tískuviku er fullkomin tjáning sköpunarkraftsins en þar sýna djörfustu fasjónisturnar sínar bestu og skrautlegustu hliðar. Allt frá neon-litum níunda áratugarins yfir í pönk og grunge-tísku þess tíunda hefur götutískan alltaf snúist um að brjóta reglur og skapa eitthvað nýtt og ögrandi. Ef þú vilt dæla lífi, lit og húmor inn í fataskápinn þinn, mælum við með því að skrolla áfram fyrir innblástur, eða í öllu falli góða skemmtun.
Litríkir lokkar
Tískurkrádið var óhrædd við að sporta hárgreiðslum í sterkum litum, það er spurning hvort þetta mun skila sér í trendi til okkar hinna í náinni framtíð? Í öllu falli skemmtilegt og skrautleg tískuvikulúkk enda ætti tískan að vera skemmtileg leið til að tjá okkur og leyfa sköpunargleðinni að njóta sín.
Strákarnir tóku líka þátt í litríka hártrendinu.
Ef þú vilt dýfa tánni ofan í skæra hárliti geturðu notað litað hársprey í endana eða gert nokkrar strípur í lit til hátíðarbrigða.
Krípí
Latex, krípí augnlinsur og skrautleg förðun var eitthvað sem við fengum að sjá nóg af á tískuviku í París. Leikræn tjáning tekin upp á næsta stig!
Flippuð förðun
Fyrir aðdáendur förðunar var gaman að fylgjast með hverri tískudívunni á fætur annarri sporta frumlegum förðunarlúkkum.
Verið óhrædd við að blanda saman ólíkum litum, mynstrum og stílum og leyfið persónuleika ykkar að skína í gegn.
Silfrað
Hér kemur silfraða deildin.
Silfurlitaðar flíkur og fylgihlutir eru að trenda á næstu misserum.
Volume up!
Stærra, breiðara, skrautlegra, hærra...það var engin feimni í gangi á tískuviku.
Þetta dress minnir okkur einna helst á Met Gala-sófadressið hennar Kim K. frá árinu 2013.
Við vitum ekki alveg hvað okkur á að finnast um þetta hybrid!
Þegar öllu er á botninn hvolft ætti tískan að vera skemmtileg og er hin fullkomna leið til að tjá persónuleika sinn á litríkan og húmorískan hátt.
