XL Úlpa
Góðar og flottar yfirhafnir eru besta fjárfestingin, sérstaklega þegar kona á heima á eyju úti í miðju ballarhafi. Við mælum með "dún"úlpum eða vestum í yfirstærð eða vatteruðum númerum.
Steldu stílnum
Hér er hægt að versla svipaðan stíl á útsölu í Smáralind.
Rykfrakki
Rykfrakkar eru skyldueign í fataskápinn. Hvort sem hann er paraður yfir ullarpeysu að hausti eða stuttermabol að vori, á rykfrakkinn alltaf vel við. Því er ekki úr vegi að leita einn slíkan uppi á útsölu. Í vor verða rykfrakkar áberandi eins og svo oft áður.
Prjónadress
Síðir prjónakjólar eru sérlega chic og gott er að fjárfesta í einum slíkum á útsölu.
Blazer
Ef þú rekst á góðan blazer á útsölu, veistu hvað þú átt að gera! Fáar flíkur í fataskápnum fá jafnmikla ást og blazerinn.
Elegansinn og lekkerheitin, almáttugur!
Stígvél
Þú munt alltaf nota stígvél, hvort sem þú aðhyllist kvenleg leðurstígvél eða eitthvað meira trendí. Um þessar mundir er hægt að gera ágætiskaup á smart skóm sem munu ganga með þér langan veg.
Beisik buxur
Vel sniðnar buxur eru gulls ígildi. Ef þú finnur góðar gallabuxur eða klassískar svartar á útsölu, skaltu hlaupa að afgreiðsluborðinu.
Buxurnar úr Selected hafa reynst okkur vel.