Möst í fataskáp herranna í haust
Tíska - 14. október 2025
Haustið kallar á létta uppfærslu í fataskápnum, ekki öfgafull trend eða tilraunastarfsemi, heldur klassískar flíkur með smá tvisti. Nú snýst allt um gæði, góð snið og einfaldleika. Fataskápurinn fær örlitla yfirhalningu sem eykur sjálfstraustið og inniheldur flíkur sem standast bæði tímans tönn og síbreytilegar tískubylgjur. Hér er það sem vert er að eiga í fataskápnum fyrir herrana í haust.
Klassískar gallabuxur í dökkbláu
Eftir tímabil ýktra sniða og áberandi lita og áferða er gallatískan aftur komin í einfaldara horf. Árið 2025 snýst hún um hreinar línur og gæði í gegn. Dökkbláar gallabuxur verður aftur lykilflík í fataskápnum enda klassískur grunnur sem fer vel við allt.
Dass af rauðu
Ótal hönnuður kynntu rauða litinn til sögunnar þegar haustlínurnar voru kynntar í byrjun árs en litur ástarinnar getur heldur betur poppað upp á klæðnaðinn á grámyglulegum haustdögum.
Notaðu rauða litinn til að poppa upp á annars einfalt átfitt!
Ruðningstreyjur
Í sumar voru stuttermabolir með röndum út um allt, eins og spólað hefði verið tilbaka um 20 ár. Í haust kemur ruðningstreyjan sterk inn í staðinn fyrir pólóbolinn og fæst í skemmtilegum litasamsetningum. Kíktu á Polo Ralph Lauren í Herragarðinum ef þú vilt fylgja þessum klassíska tískustraumi.
Ruðningstreyjan á sér langa sögu en hefur heldur betur slegið í gegn í tískuheiminum síðustu misserin og kemur nú í allskyns útfærslum frá ótal mismunandi hönnuðum.
Mokkasínur
Mokkasínur eru að slá í gegn hjá öllum kynjum og verða skórnir sem öll þurfa að eiga í fataskápnum í haust.
Flónelskyrtur
Klassíska flónelskyrtan er komin aftur – mjúk, hlý og örlítið nostalgísk.
Leðurjakkinn lifir
Tímalaus, traustur og ótrúlega fjölhæfur – leðurjakkinn heldur áfram að vera lykilflíkin í fataskápnum. Hann passar við nánast allt og bætir alltaf smá karakter við heildarmyndina. Hvort sem hann er beinskorinn, víður eða vintage, þá er hann tákn um sjálfsöryggi sem fer aldrei úr tísku.
