Heitustu skórnir í haust
Tíska - 24. september 2025
Haustið kallar á hlýju og einfaldleika án þess að fórna fágun. Á götum helstu tískuborga heims þar sem nýjasta tíska var nýverið kynnt mátti sjá mokkasínur stíga fram í nýju ljósi, paraðar við sokka sem bæta leikrænum blæ við annars látlaust form. Mínimalískir ballerínuskór hafa einnnig tryggt sér sess sem ómissandi í fataskápnum, einfaldir en um leið fullir af nútímalegum sjarma. Stílstjörnurnar teikna upp skýra mynd af haustinu þar sem þægindi og stílhreinn mínimalismi mætast á miðri leið.
Mokkasínur
Sokkar eru helsti fylgihluturinn þegar kemur að því að stílisera mokkasínur í haust. Með réttu pari má umbreyta skónum úr látlausri klassík í eitthvað ferskt og spennandi, hvort sem þeir eru hvítir, með blúndu eða í skemmtilegu mynstri.
Sokkar eru einn vinsælasti fylgihluturinn þegar kemur að skótískunni í haust og mokkasínur gjarnan paraðar við hvíta sokka.
Ballerínur
Ballerínuskór eru enn á ný að fá sinn tíma í sviðsljósinu. Mínimalísk form og hreinar línur gera þá að lykilflík í fataskápnum – bæði fyrir hversdaginn og fínni tilefni.
Ballerínuskóna er hægt að fá í klassísku leðri eða rúskinni, í skærum lit eins og rauðum eða hlébarðamynstri eða jafnvel trendí gegnsærri útgáfu - allt eftir tilefni og persónulegum stíl þínum.
