Trendin sem gera okkur enn spenntari fyrir vorinu

Gulur, rauður, grænn og blár. Við getum ekki beðið eftir því að klæðast drögtum eða blazerum í skærum litum á næstunni. Tískuhús á borð við Stellu McCartney, Versace (hvað annað!), Valentino og Proenza Schouler sendu djúsí dragtir í öllum regnbogans litum niður tískusýningarpallinn þegar þau kynntu tísku komandi árstíðar.

Samfestingar verða áberandi og míníkjólar í skærum og skemmtilegum tónum. Sumarið er ekki tíminn til að ganga meðfram veggjum.

Okkur þótti gaman að sjá óvenjulegar litasamsetningar þar sem brúnn var gjarnan paraður við sterka liti og pastel. (Eitthvað sem Gucci sjálfur sagði að væri algert no, no í denn!) Tom Ford hefur alltaf verið góður í að brjóta reglurnar!

Samfellur, bolir, pils og kjólar með "götum" á ólíklegustu stöðum halda velli í tískunni.

Miuccia Prada sendi mínípils sem líktist helst mjaðmabelti niður tískusýningarpallinn fyrir Miu Miu og Prada í stíl sem minnti óneitanlega á tíunda áratuginn. Hún gerir ekkert rangt í okkar bókum. Hún var hinsvegar langt frá því að vera eini hönnuðurinn sem aðhyllist mínípilsið í sumar.

Ef þú ert komin með leið á dúnúlpunni og svörtu kápunni eru ýmsir möguleikar í boði í vor og sumar.

Það er víst ekki hægt að kaupa sér hamingju en þessir fylgihlutir færa bros yfir andlitið okkar. Það er bara þannig.

Litadýrðin naut sína líka á andlitum fyrirsætnanna, eins og Gigi Hadid og Dua Lipa.

Ef þú vilt þjófstarta...