Best í bjútí

Nýjasti hyljari NYX, Bare With Me Concealer Serum er búinn að gera allt vitlaust í netheimum síðan hann kom á markað. Nú er hann lentur á eyjunni og við urðum auðvitað að prófa. Hann stenst allar væntingar og meira til. Hylur vel, er kremaður en ekki um of og áferðin er dásamlega náttúruleg. Mælum 100% með!

BB Cover-litaða dagkremið úr Age Perfect-línu L´Oréal er nýja uppáhaldið okkar. Það jafnar húðtóninn vel, gefur fallegan ljóma og er með spf 50. Við biðjum ekki um meira!

Nýjasta uppáhaldið okkar þegar kemur að vörum er Vinyl Ink sem er brilljant blanda af varaglossi og "stain". Gefur vörunum glossaða áferð sem endist og endist! Uppáhaldsliturinn okkar heitir Peachy og er eins og nafnið gefur til kynna fallegur ferskjutónn.

Förðun í anda Euphoria-þáttanna hefur átt miklum vinsældum að fagna. Þá koma nýju eyelinerarnir frá NYX sterkir inn. Þeir eru litsterkir og haldast mjög vel á augunum og koma í fjölmörgum skemmtilegum og skærum litum.

Ultimate-pallettan frá NYX svipar mjög til Naked Heat frá Urban Decay og er frábær til hversdagsbrúks sem og við sparileg tilefni.

Augabrúnir í anda Brooke Shields eru eftirsóknarverðar. Augabrúnagelið frá Gosh er það allra besta sem við höfum prófað. Það heldur brúnunum á sínum stað langt fram á rauða nótt en skilur ekki eftir hvíta áferð á brúnunum og hefur ekki áhrif á augabrúnablýantinn sem er þar fyrir.

Ef þú ert að leita að hinum fullkomna "nude" varalit erum við með svarið. Color Riche Nude Intense frá L´Oréal í litnum Nu Impertinent 173 er málið!

Brow Ultra Slim-augabrúnablýanturinn frá Maybelline er tvífari blýantsins sívinsæla frá Anastasia Beverly Hills.

Förðunarburstarnir frá Real Techniques hafa löngum verið í uppáhaldi hjá okkur en nú kemur allt sem þú þarft í míní-ferðaútgáfu sem gerir það að verkum að það hefur aldrei verið auðveldara að ferðast með hið fullkomna förðunarburstasett.

Ef þú ert að leita að sólavörn sem ertir ekki húðina og ver hana vel gegn skaðlegum geislum sólarinnar er La Roche Posay með svarið.

Back to Bronze er mjög fallegt sólarpúður á viðráðanlegu verði sem fæst bæði í Hagkaup og Lyfju, Smáralind.

Nú hefur uppáhaldið okkar, St. Tropez komið með brúnkudropa á markað sem gerir allt auðveldara! Áferðin á dropunum er serumlík og hægt að nota eina og sér eða blanda við dag-eða næturkrem, allt eftir þörfum. Gefur húðinni gullfallegt, sólkysst útlit á núlleinni.

Le Blush-kinnalitirnir frá L´Oréal eru kannski ekki nýir af nálinni en nýverið kynntumst við dásamlegum bleikum tón úr línunni sem er með svo fallegum ljóma sem gefur eplum kinnanna einstaklega unglegt og frísklegt yfirbragð.

Resurfacing-gelhreinsirinn frá L´Oréal inniheldur 3.5% glýkólsýru sem losar um dauðar húðfrumur þannig að húðin verður skínandi fín. Mælum mikið með!

Bounce-púðrið frá Beauty Blender er einstakt. Það setur farðann vel en gefur húðinni samt fallegan ljóma á sama tíma. Við mælum 100% með fyrir þau ykkar sem fílið ekki púður en viljið að farðinn haldist lengi á húðinni. Dregur úr óþarfa glansi, mýkir fínar línur, jafnar húðina og heldur farðanum án þess að húðin verði flöt og líflaus.