Hár og fegurð á hátískuviku í París

Fegurð - 7. júlí 2022

Við mynduðum stílstjörnurnar á hátískuviku í París á dögunum og heilluðumst sérstaklega að hári og förðun þeirra sem veitir okkur mikinn innblástur. Drengjakollurinn er að koma sterkur inn og nú er áberandi að náttúruleg áferð hárs hvers og eins fær meira að njóta sín. Fyrir lengra komna er listræn förðun í anda Euphoria einnig vinsæl.

Drengjakollur

Ekki síðan Linda Evangelista sat fyrir á síðum Vogue fyrir Peter Lindbergh á tíunda áratugnum hefur drengjakollurinn verið jafn eftirsóttur. Við erum að elska þetta trend!

Hin gullfallega Grace Elizabeth rokkaði drengjakolli á tískuvikunni í París á dögunum.

Drengjakollurinn nýtur sín vel hér í hári sem er náttúrulega liðað.

Lindu Evangelistu-effekt

Au Naturel

Við elskum að sjá fólk rokka sinn náttúrulega hárlit og áferð, hvort sem það er sítt, grátt hár eða veglegt afró.

Hversu tignarlegt hár? Góð stílfyrirmynd fyrir þau sem eru að velta fyrir sér að leyfa gráa hárinu að njóta sín.

Ein vinsælasta fyrirsæta heims um þessar mundir rokkar seventís-stíls afró.

Leikkonan Audrey Tautou sem sló í gegn í kvikmyndinni Amélie er gullfalleg með náttúrulegar krullur og grásprengt hár.

Euphoria-æði

Sjónvarpsþættirnir Euphoria hafa heldur betur haft áhrif á það hvernig fólk farðar sig og hefur leyft artistanum í fólki að njóta sín til hins ítrasta.

Hugmyndafluginu og artistanum gefinn laus taumur hér.

Tvöfaldur eyeliner hefur slegið í gegn í bjútíbransanum.

Það eru ekki allir sem treysta sér í grænan augnskugga og fjólubláan varablýant en þessi rokkar lúkkið.

Hollywood-bomba

Á hátískuvikunni í París mátti að sjálfsögðu einnig sjá klassíska liði, ljómandi húð og smokey, eins og við var að búast.

Söngkonan Rita Ora með áberandi eyeliner og látlausa liði í hárinu.

Þessi mynd á heima við hliðina á fullkomnu "blow out"-i í orðabókinni!

Zoe Saldana með soft smokey og ferskjulitaðar varir.

Steldu stílnum

BB Cover-farði frá L´oréal, Lyfja, 3.149 kr.

Ever Bronze sólarpúður frá Clarins, Hagkaup, 6.399 kr.

Lifter gloss frá Maybelline, Lyfja, 1.952 kr.

Er ekki brosið fallegasti fylgihluturinn? Paraðu dimmrauðar varir við ljómandi húð og haltu restinni af förðuninni í lágmarki fyrir ekta franskt lúkk.

Red hot

Ofurfyrirsætan Karen Elson er gangandi auglýsing fyrir hversu fallegt eldrautt hár er.

Uppáhalds aldamótafyrirsætan okkar, Karen Elson, rokkar eldrautt hár við föla og fallega húð.

Chic Bob

Önnu Wintour-áhrifin í hári má sjá víða en klassíska, franska "bob"-klippingin er alltaf trés chic.

Það gæti ómögulega orðið franskara. Love!

Pony

Upphá tögl og hárspangir eru hámóðins þessi dægrin.

Sjáið hversu fallegt það er að skilja toppinn eftir úr uppháu taglinu og leyfa liðunum að ramma andlitið inn.

Einn heitasti fylgihlutur dagsins er þessi fádæma fallega spöng úr smiðju Chanel.

Glimmergleði

Stílstjarnan Leonie Hanne er dugleg við að leika sér með mismunandi og oft og tíðum skemmtilega öðruvísi förðun sem gerir mikið fyrir heildarlúkkið. Hér sést hún á götum Parísarborgar með gyllt glimmer á augnlokunum sem passar vel við gyllta fylgihlutina.