Fara í efni

Haustförðun 2020

Fegurð - 16. september 2020

Við kíktum á stemninguna baksviðs hjá stærstu tískuhúsum heims og pikkuðum upp flottustu förðunarlúkkin. Hér er hægt að fá tips um það hvernig hægt er að stela lúkkkinu í anda súpermódelanna, hvort sem þú fílar klassískar rauðar varir, Femme Fatale-lúkk eða eitthvað örlítið settlegra.

Klassísk fegurð

Hjá tískuhúsinu Givenchy mátti sjá fyrirsætur með ekta bjútí-makeup. Augun voru fallega skyggð með grábrúnum og sanseruðum augnkugga og augnkrókurinn highlighteraður með ljósum skugga sem gerir mikið fyrir augnumgjörðina. Húðin var náttúruleg og ljómandi og varir með örlítið af lituðum varasalva. Brúnirnar voru ýfðar upp og kinnalitur setti svo punktinn yfir i-ið og bjó til extra ferskleika.

Steldu lúkkinu

  • Augnskuggapallettan Grand Bal 539 frá Dior.
  • Aura Dew augnskuggi og highlighter frá Shiseido.
  • Blooming Blush kinnalitur í litnum Peach frá Sensai.
  • Mademoiselle Shine frá Lancôme í lit 392.

Ljómandi

Ljómandi húð fer aldrei úr tísku. Nú mega púðurkenndir highlighterar sem hægt er að sjá úr kílómetra fjarlægð taka pásu því hógværari ljómi er málið. Hægt er að framkalla hann á ýmsa vegu, með feitu dagkremi, farðagrunni með ljómaögnum eða kremuðum eða fljótandi highlighter.

Steldu lúkkinu

  • Shimmering Skin Perfector frá Becca.
  • Cream Color Base frá MAC.
  • Glowing Base frá Sensai.

Ég sé rautt

Rauður varalitur poppar alltaf upp á haustin og hvort sem þú fílar matt lúkk eða háglans getur þú fundið eitthvað við þitt hæfi.

Steldu lúkkinu

  • Þessi varalitur var notaður á Bellu Hadid fyrir Oscar de la Renta sem sjá má hér að ofan.
  • Lady Danger, Russian Red og Ruby Woo frá MAC eru geggjaðir rauðir varalitir með mismunandi undirtón.

Seventís

Seventísstíllinn er ekki eingöngu að slá í gegn í fatnaði og fylgihlutum heldur voru nokkur stærstu tískuhúsa heims sem tileinkuðu sér lúkkið í makeupi líka. Þessi mynd er frá haustsýningu Ulla Johnson.

Hér eru ferskjutónar notaðir á varir, augu og kinnar á einfaldan en áhrifaríkan hátt.

Seventís-lúkk hjá franska tískuhúsinu Chloé.

Steldu lúkkinu

  • Diorshow í bláu er í takt við seventíslúkkið.
  • Kinnaliturinn Melba frá MAC sem flott er að nota á kinnar og augu.

Brooke Shields-brúnir

Það verður að teljast tiltölulega auðvelt að sporta þykkum og flottum augabrúnum þegar mamma manns er Cindy Crawford. Við hinar þurfum kannski að feikaða örlítið- og við erum hér til að hjálpa!

Steldu lúkkinu

  • Brow Blade frá Urban Decay er með „tússpenna“ á öðrum endanum sem teiknar „hár“ á trúverðugan hátt.
  • Augabrúnagelið Brow Drama frá Maybelline ýfir brúnirnar upp, gefur lit og heldur þeim á sínum stað.

Mjúkt smokey

Smokey-augnförðunin gerir alltaf mikið fyrir útlitið. Við erum sérstaklega skotnar í þessari útgáfu sem sást baksviðs hjá Alberta Ferretti en hér virðist hlýtóna brúnn eyeliner hafa verið notaður í vatnslínu augnanna til að gefa þetta sexí lúkk. Augnblýanturinn Teddy frá MAC finnst okkur eiga að vera skyldueign í snyrtibudduna og Meghan Markle er meira að segja sammála okkur en hún fer varla úr húsi án hans.

Steldu lúkkinu

  • Spice varablýantur og Powder Kiss Liquid varalitur frá MAC.
  • Augnblýanturinn sívinsæli Teddy frá MAC.
  • Naked Reloaded-augnskuggapalletta frá Urban Decay.

Stjörnuförðunarmeistarinn Pat McGrath hannaði haustlúkkið fyrir Marc Jacobs í ár en þar spilaði grafískur eyeliner stóra rullu.

Steldu lúkkinu

  • Shocking eyelinerpenni frá YSL.
  • Synchro Skin Self-Refreshing farði frá Shiseido.
Baksviðs hjá Dior mátti sjá ýkta, grafíska eyeliner-förðun.

Gamla, góða glossið

Gamla, góða glossið hefur vaxið í vinsældum síðustu misserin og það er vel. Hér má sjá glossaðar varir baksviðs hjá tískuhúsinu Off White.
  • Klassíski glossinn Lipglass frá MAC.
  • Nærandi og mjúkur varagloss frá Sensai.

Femme Fatale

Það er eitthvað dásamlega haustlegt við rauðvínslitaðar varir og lúkkið er best þegar restinni af förðuninni er haldið í lágmarki. Hér sjáum við hina gullfallegu Bellu Hadid baksviðs hjá Fendi.

Steldu lúkkinu

  • Rouge Pur Couture-varalitur frá YSL í litnum Rouge Vinyle.
  • Diva frá MAC er klassískur rauðvínslitur.
  • Black Opium er kryddaður og kynþokkafullur ilmur frá YSL í stíl við Femme Fatale-fílinginn.

Vörurnar í póstinum fást í Hagkaup og MAC, Smáralind.

Meira úr fegurð

Fegurð

Heitast í hári haustið 2025

Fegurð

Spennandi ilmir frá Gucci, Burberry og Marc Jacobs

Fegurð

Nýr Boss ilmur slær í gegn

Fegurð

Ástarbréf frá Ariönu Grande

Fegurð

Eins og fylliefni í hylki

Fegurð

7 daga kraftmikil ljómameðferð frá Guerlain (og 20% afsláttur)

Fegurð

Náðu í sumarljómann með Terracotta

Fegurð

ChitoCare beauty: Náttúruleg bylting í öldrunarvörn húðar