Góðu fréttirnar eru að þú þarft alls ekki að hlaupa út í búð og kaupa allt nýtt til að prófa þig áfram með þessa aðferð heldur er líklegt að þú eigir flest sem þarf til núþegar. Byrjaðu á því að preppa húðina vel með góðu dagkremi. Hér eru tvö sem við mælum með!
Eftir að dagkremið er borið á ferðu beint inn með skyggingarlitinn. Best er að nota kremstifti eða kremaðan bronzer/skyggingarlit í þetta skref.
Næsta skref er að bera hyljara undir augun og í kringum nefið eða á þá staði sem þú vilt draga fram. Hér eru uppáhaldshyljararnir okkar.
Kremaður kinnalitur og krem highlighter eru bornir á næst. Vinsælt er að draga kinnalitinn yfir nefið í dag og bera hann hátt upp á kinnbeinin. Highlighter er notaður efst á kinnbeinin, niður nefið, fyrir ofan efri vör og á viðbeinin, ef þú ert í stuði.
Næsta skref er mikilvægt en þá notarðu léttan farða og blandar allt saman. Við mælum með farða eins og Face and Body frá MAC og stippling-bursta í minni kantinum eins og Filtered Cheek-burstanum frá Real Tecnhiques til að halda aðferðinni léttri-þú vilt ekki blanda harkalega þannig að allt sem er undir renni út í eitt.
Til að setja farðann og hyljarann undir augum og í kringum nef og enni mælum við með lausu púðri.
Hailey Bieber er þekkt fyrir náttúrulega ljómandi og skyggða húð en förðunarfræðingur hennar hefur kennt henni réttu underpainting-trixin!
Förðunarfræðingarnir Scott Barnes og Mary Philips hafa unnið náið með J-Lo sem er einna þekktust fyrir hið ómótstæðilega J-Lo glow.
Förðunarfræðingur J-Lo hefur komið með förðunarlínu í eigin nafni á markað en skyggingarpallettan hans fæst í Elira Smáralind.
Kevyn Aucoin notaði underpainting en hann fékk innblástur frá förðunaraðferðum dragdrottninga og gerði vinsæla á tíunda áratug síðustu aldar.
Förðunarbækurnar Face Forward og Making Faces eru goðsagnakenndar kennslu- og listabækur förðunarmeistarans Kevyn Acoin sem kenndi ótal ungu fólki á tíunda síðustu aldar öll helstu förðunartrixin.
Tik Tok-myndband Mary Philips