Stærstu bjútítrendin vorið 2022
Fegurð - 23. mars 2022
Förðunartískan ber þess merki að heimsbyggðin hafi fengið nóg af því að hylja hálft andlitið því hún hefur sjaldan verið jafn kreatív og lífleg, þar sem allt er bókstaflega leyfilegt og tekið fagnandi. Aldamótatískan með tilheyrandi glimmeri og gleði er áberandi og skrautsteinar og litríkur eyeliner kemur sterkur inn í boði Euphoria-þáttanna sem slegið hafa í gegn.
Aldamótaæði
Þau okkar sem komin eru um og yfir fertugt muna vel eftir glimmer-æðinu sem ríkti í kringum aldamótin og satt best að segja kemur það okkur ööörlítið á óvart hversu hratt þetta lúkk varð trendí aftur. En það er akkúrat nafnið á leiknum. Unglingarnir okkar sem stæla bjútítrendin úr Euphoria-þáttunum með því að skreyta sig með andlitssteinum vita líklega ekki að Gwen Stefani var brautryðjandi í slíku lúkki í stíl við bleikt og blátt hár og örþunnar augabrúnir í kringum aldamótin.
Fyrirsæturnar hjá tískuhúsinu Blumarine voru þaktar glimmeri á líkamanum, andlitinu og jafnvel hárinu enda var aldamótatískan tekið alla leið á þeim bænum.
Tískuhúsið Etro nútímavæddi stílinn þar sem farðanum var haldið í lágmarki í stíl við andlitssteinana sem nutu sín í kringum augun á fyrirsætunum.
Rétt upp hönd sem man eftir Gwen Stefani í kringum aldamótin!LEGEN-DARY!
Heavy Metal glimmerin frá Urban Decay eru æði!
Gömlu, góðu glossin eru enn á ný sjóðheit.
Euphoria-tryllingur
Vinsældir Euphoria þáttanna á heimsvísu ollu því að fólk fór að vera kreatívara í förðun og litríkir eyelinerar í allskyns formum fóru á sjást æ oftar, líka á tískupöllunum.
Epik Ink Liner frá NYX ber nafn með rentu!
Sápubrúnir
Ýktar augabrúnir eru í uppáhaldi hjá okkur, alveg síðan Brooke Shields heillaði okkur á níunda áratug síðustu aldar. (OMG!) En sápubrúnir eru ekki nýjar af nálinni, Sophia Loren var þekkt fyrir að framkalla ýfðar augabrúnir varfærnislega með sápubrúna-aðferðinni. Síðasta árið hafa margar förðunarvörur komið á markað sem framkallar sama útlit án þess að sápa og vatn komi við sögu. Sjáið upppáhaldsuppgötvunina okkar hér að neðan, sem býr til lyft augabrúnalúkk á núlleinni.
Svokallaðar sápubrúnir eru ekki nýjar af nálinni en Sophia Loren var þekkt fyrir að nota sápu og vatn til að framkalla ýktar augabrúnir á sjöunda áratugnum.
Vandlega "sápaðar" og teiknaðar brúnir Sophiu eru goðsagnakenndar eins og hún sjálf.
Trylltar brúnir baksviðs hjá Zuhair Murad.
Brow Lift er ein uppáhaldssnyrtivöruuppgötvun okkar, ever! Þegar mæðgur á tvítugs-og fertugsaldri rífast um að nota það er mikið sagt. Mælum heilshugar með. Fæst í Hagkaup, Smáralind.
Kinnaliturinn snýr aftur
Vinsældir kinnalitarins hafa sjaldan verið meiri. Nú er málið að nota litsterka, kremaða eða blauta kinnaliti ofarlega á kinnbeinin og yfir nefið. Tilgangurinn er að líta út fyrir að vera nýkomin inn eftir útihlaup eða góðan jógatíma. (Eða jafnvel eitthvað svakalega sexí!)
Kremaði kinnaliturinn frá RMS er fullkominn í þetta lúkk. Fæst hjá Elira í Smáralind!
Nú er heitt að nota kinnalitinn hátt upp á kinnbeinin í anda tísku áttunda áratugarins.
Innri krókurinn í sviðsljósinu
Við sáum mikla áherslu lagða á innri krók augnanna á tískusýningarpöllunum fyrir vorið. Skemmtilega klæðilegt trend sem hægt er að leika sér endalaust með.
Við mælum með POP PowderGel-augnskuggunum frá Shiseido.
Ég sé rautt!
Rauður varalitur verður seint talinn sem byltingarkennt förðunartrend en skærrauður eða appelsínurauður litur á vörum er bara eitthvað sem poppar upp á hverju vori, paraður við mínimalíska en ljómandi húð. Fullkomið lúkk við hvíta kjóla, til dæmis.
Obsessive Red frá Lancôme er uppáhalds appelsínurauði varaliturinn okkar. Fæst í Lyfju og Hagkaup, Smáralind.
Næntís súpermódelvarir
Við virðumst seint ætla að fá nóg af næntís varatrendinu þar sem dekkri varablýantur er notaður til að ramma inn og ljósara gloss í miðjuna. Við höfum slysast til að kalla þetta trend Astró-varir. (Fyrir ykkur sem yngri eruð þá var sá skemmtistaður heitur þarna á tíunda áratug síðustu aldar og stelpurnar sem stunduðu hann duglegar að sporta þessu lúkki!) Posh Spice og Cindy Crawford eru endalaus uppspretta innblásturs þegar kemur að þessu lúkki en Instagram er líka stútfullt af því.
Náttúruleg húð
Þykkir og vel þekjandi farðar eru á útleið og sérstaklega þegar sólin hækkar á lofti. Við höfum séð náttúrulega húð vaxa mikið í vinsældum, þar sem fólk er óhrætt við að leyfa fullkomnum "ófullkomleika" húðarinnar að skína í gegn. Frískleg útgáfa af sjálfum þér eru skilaboðin. Við erum til!
Sjáið fallega ljómann á kinnbeinum fyrirsætu Valentino.
Cream Colour Base frá MAC er dásamlegur, kremaður highlighter sem gefur húðinni náttúrulegan ljóma.
Litaða dagkremið Halo frá Smashbox er geggjað litað dagkrem!
