Topp 5 fyrir djúsí varir

Topp 5 varablýantarnir

Til að skapa rétta lúkkið fyrir næntís súpermódel varir er varablýantur nauðsynlegur. Kannski óþarfi að vera með fimm í veskinu eins og förðunarfræðingur HÉRER er þekkt fyrir en ykkar er valið!

Le lip liner frá Lancôme er vaxkenndur varablýantur sem helst svakalega lengi á vörunum. En liturinn bronzelle er sá sem fær hjartað okkar til að slá hraðar!

Stunning Nude varablýanturinn frá Sensai er í stöðugri notkun hjá undirritaðri. Fullkominn nude litur í silkikenndri formúlu sem rammar varirnar fallega inn.

Varablýantur frá Sensai í litnum Stunning Nude, Hagkaup.

Nougat Crisp frá NYX er einn af þessum endingagóðu varablýöntum sem er með ferskjubrúnum undirtón.

Spice frá MAC er goðsagnakenndur varablýantur sem hefur hugsanlega verið notaður á fyrirsæturnar í denn. Klassík sem eldist vel!

Varabláynturinn frá NYX í litnum Coffee er klassískur, frekar þurr varablýantur í fallegum, náttúrulegum skuggalit sem gerir það auðvelt að fara örlítið yfir varalínuna.

Coffee varablýantur frá NYX, Hagkaup, 995 kr.

Til að gera varirnar extra djúsí mælum við með nærandi glossi yfir varablýantinn.

Instant Lip Perfector-gloss frá Clarins í lit 06, Hagkaup, 3.499 kr.

Til að framkalla „Your lips but better“-útlit mælum við með Black Honey frá Clinique.

Varasalvaliturinn Black Honey frá Clinique er goðsagnakenndur í snyrtivörubransanum. Hann gefur vörunum náttúrulegan lit sem er mismunandi eftir því hver á í hlut.