Vorlína Chanel er byggð á íkoníska rauða litnum

Fegurð - 23. mars 2023

Þau okkar sem fylgjumst grannt með því nýjasta á markaði í snyrtivörubransanum bíðum í ofvæni eftir vor- og sumarlínu Chanel. Förðunarfræðingur HÉR ER tók púlsinn á henni og segir okkur hvað stendur uppúr. Í anda Chanel er elegansinn að sjálfsögðu í hávegum hafður en rauði liturinn er gegnumgangandi, enda einstaklega lýsandi fyrir vörumerkið.

Rauði liturinn er gegnumgangandi í vorlínu Chanel í ár.

Það sem stendur upp úr, að mati förðunarfræðingsins okkar, er án nokkurs vafa stór fjögurra lita palletta sem hægt er að leika sér heilmikið með, bæði til að skyggja og highlighta andlit, gefa kinnunum lit og ljóma og sem augnskugga. Chanel gerir kinnalita- og augnskuggaformúlur extra vel- og ekki skemma umbúðirnar fyrir!

Augnskugga- og kinnalitapalletta úr vorlínunni í litnum Tendresse.

Wild card-ið er svo þetta ljómastifti sem kemur einstaklega djúsí út ef notað er á kinnbeinin, epli kinnanna og á varir. Fullkomin sumarvara fyrir sólkysst og frísklegt útlit, ef þú spyrð okkur!

Rouge Allure Velvet er mjúk en mött varalitaformúla sem kemur að sjálfsögðu í íkonísku umbúðunum sem gerir ásetninguna einstaklega fansí!

Liturinn Esentielle er ekta hversdagslitur. Chanel fæst í Elira og Hagkaup, Smáralind.

Lilturinn Sophistiquée er eins og nafnið gefur til kynna einstaklega fágaður djúptóna rauður litur.

Rauðtóna maskari er partur af vorlínunni en hann er tilvalinn til að setja punktinn yfir i-ið á rauðtóna smokey, fyrir þær sem þora!

Tveir naglalakkalitir eru í vorlínunni sem byggja báðir á rauða litnum. Annars vegar fágaður fullorðinsbleiktóna sem hylur neglurnar vel en hinn, sem heitir Watermelon er djúsí og gegnsær.