Bóhemtískan með endurkomu
Tíska - 6. mars 2024
Chemena Kamali, nýr yfirhönnuður franska tískuhússins Chloé, fangaði rómantískan bóhóstíl í anda áttunda áratugarins í sinni fyrstu tískusýningu fyrir merkið og fékk mikið lof fyrir. Hér er það sem við veðjum á að við munum klæðast á komandi misserum og fáum innblástur frá aldamótastílstjörnum á borð við Sienna Miller, Mary-Kate Olsen og Kate Moss.
Sienna Miller er þekkt fyrir sinn frjálslega „boho chic“-stíl og smellpassar inn í þema Chloé. Hér er hún baksviðs á tískusýningunni fyrir haustið sem haldin var á dögunum.
Allar stílstjörnurnar á fremsta palli á tískusýningu Chloé klæddust klossum. Eitthvað segir okkur að þessi týpa muni vera það sem allir og amma þeirra klæðast í sumar.
Bóhemblússan
Rómantísk blússa er möst þegar kemur að bóhóstílnum.
Stjörnurnar uppúr aldamótum
Kate Moss, Sienna Miller og Mary-Kate Olsen eru þekktar fyrir að rokka bóhóstílinn sem var í brennideplinum upp úr aldamótum.
Upphá stígvél
Vel upphá leðurstígvél voru geggjaður kontrast við fljótandi kjóla og eru ómissandi við bóhóstílinn. Mótorhjólastígvél og kúrekastígvél koma einnig vel út við rómantískar flíkur.
Steldu stílnum
Útvíðar buxur
Beinar buxur í víðari kantinum og einnig útvíðar eru að trenda á næstunni og smellpassa við bóhó-þemað sem Chloé bauð upp á á sýningu sinni.
Steldu stílnum
Stórar hálsfestar í anda aldamótanna eiga endurkomu og svo er auðvitað möst að sporta sólgleraugum í stíl.
Risastór lógóbelti settu svip sinn á Chloé-sýninguna.
Chloé haustið 2024
Chemena Kamali, nýr yfirhönnuður franska tískuhússins Chloé náði að framkalla rómantískan bóhóstíl í anda áttunda áratugarins og fékk mikið lof fyrir.
Nú er bara að finna sinn innri bóhem!
