Búðu þig undir vorið
Tíska - 31. janúar 2023
Eftir lengsta janúar í manna minnum er gott að vita að vorið kemur alltaf aftur. Við erum farin að sjá vortískuna fyrir okkur í hillingum en beislitað frá toppi til táar er eitthvað sem við getum byrjað að prófa okkur áfram með, um leið og slabbið lætur sig hverfa!
Bjútífúl beis
Þessi tiltekna mynd sem tekin var á tískuviku á dögunum var kveikjan að þessari grein en það er eitthvað ómótstæðilega elegant við beislitan alklæðnað.
Við getum hreinlega ekki beðið eftir því að geta tekið fram ljósari og léttari flíkur með hækkandi sól!
Beis blazer
Beislitaður blazer mun koma þér langt, sama hvaða árstíð er enda passar hann nánast við allt.
Skelltu peysu í svipuðum tón yfir axlirnar á kaldari dögum fyrir ekta preppí lúkk.
Fjárfestu í ljósum cargo-buxum
Við þreytumst ekki á að tala um cargobuxnaæðið sem ríkir í tískuheiminum en ef við ættum að ráðleggja þér að kaupa einar buxur fyrir vorið væru það ljósar buxur í cargo-stíl.
Reffilegur rykfrakki
Rykfrakkinn er möst í fataskápnum og þegar hann er í ljósum tónum og paraður við aðrar ljósar flíkur er hann extra chic að okkar mati.
Vertu óhrædd við að para hvíta skyrtu við beislitaðar flíkur.
Innblástur
Vorið kemur, vittu til!
