Djarfar dívur á tískuviku í Köben
Tíska - 4. febrúar 2022
Hinn alræmdi skandinavíski mínimalismi var síður en svo áberandi á götum Kaupmannahafnar þegar stærstu nöfnin í bransanum kynntu sér trendin á tískuviku.
Gulur, rauður, grænn og blár
Litagleðin var allsráðandi hjá skvísunum í Köben.
Loðnir bucket-hattar í anda tíunda áratugarins vaxa í vinsældum á næstu misserum. Sitt sýnist hverjum, er það eina sem við segjum.
XXL
Yfirhafnir í yfirstærð eru enn í náðinni ef marka má tískukrádið í Köben. Eins má sjá að gervipelsar fá sinn tíma í sviðsljósinu aftur eftir svolítið frí.
Emili Sindlev er með einstakt auga eins og sjá má hér. Þessi blanda ætti ekki að virka en virkar samt. Það er Emili í hnotskurn. Alltaf gaman að sjá hverju hún tekur upp á þegar kemur að stíliseringu.
Fagrir fylgihlutir
Við elskum að skoða fallegu fylgihlutina sem gera svo mikið fyrir átfittið.
Leddari
Leðurjakkar voru einnig áberandi á tískuviku í Kaupmannahöfn en þeir verða eitt stærsta trend vorsins.
Det er meget smuk!
