Erum við í alvöru til í þessa tísku aftur?
Tíska - 11. september 2023
Sú augljósa staðreynd að tískan fer í hringi virðist alltaf koma aftan að okkur. Að okkar mati er bara aaaðeins of stutt síðan við spókuðum okkur um í mörgu (mis)smörtu hér upp úr aldamótum! Hér eru trendin sem við erum ekki alveg klár hvort við séum til í aftur en mörg þeirra eru ekki eldri en frá árinu 2010 sem sannar það að oft er hringurinn ekki lengri en þrettán ár þegar kemur að tískutrendum.
Diskabelti
Hver man ekki eftir diskabeltunum svonefndu sem Destiny´s Child gerði meðal annars ódauðleg? Sunneva Einars er í hópi þeirra sem hefur tekið trendið opnum örmum á ný. Við sem tókum þátt í trendinu á sínum tíma segjum hugsanlega pass í þetta sinn...
Destiny´s Child voru svo meðidda!
Verslunin Monki í Smáralind er með puttann á aldamótapúlsinum!
Queen B í tísku sem er mjög lýsandi fyrir áratuginn 2000-2010.
Stór og áberandi belti
Belti spiluðu stóra rullu í tískunni um og yfir aldamót og oftar en ekki troðið yfir allt og ekkert. Buxurnar voru lágar, skinny og oftar en ekki í ökklasídd.
Beltin með kombakk
Stór belti í anda aldamótatískunnar, sem hélt áfram út áratuginn eru að trenda enn á ný ef marka má tískuspekúlanta og stærstu tískukeðjur heims.
Götutískan
Hér eru nokkrar skemmtilegar beltaútfærslur frá tískuvikum í París, London og Tokyo.
Ósamhverfir kjólar og gegnsæir toppar
Ef við þyrftum að súmmera tískuna í kringum aldamótin upp væru ósamhverfir kjólar og gegnsæir toppar ofarlega á lista. Gerið ykkur reddí fyrir kombakk!
Steldu stílnum
Pils yfir buxur
Við héldum að við myndum aldrei skrifa þessi orð en pils yfir buxur-trendið, það á eftir að koma tilbaka í tískunni af fullum krafti.
Steldu stílnum
„Low Rise“-gallabuxur
Um og yfir aldamót snérist allt um sléttan mallakút og skelfilega, vandræðalega lágar gallabuxur.
Steldu stílnum
„Peplum“ toppar
Svokallaðir peplum toppar sem eru aðsniðnir í mittið og ýktir út eru að koma aftur ef marka má stærstu tískuhús heims. Trendið var stórt í kringum 2005-2010 eins og við þekkjum margar.
Kim K. var hrifin af peplum-trendinu á sínum tíma.
Danska stílstjarnan Emili Sindlev í nútímalegri útgáfu af peplum-bol við víðar buxur.
Ballerínuskór
Hver man ekki eftir ballerínuskónum sem allir og amma þeirra áttu uppúr aldamótunum? Í haust er massívt kombakk þeirra en ballerínuskórnir eru eitt heitasta skótrend haustsins 2023.
Götutískan
Miuccia Prada er ein þeirra stærstu áhrifavalda til að koma með ballerínutrendið á sjónarsviðið aftur en ófáar stílstjörnurnar sáust í Miu Miu-týpu á tískuviku.
Steldu stílnum
Uggs
Kona var ekki kona með konum nema eiga Uggs hérna í denn en þessi þægilegu boots eiga heldur betur upp á tískupallborðið aftur. Í ár munum við aftur sjá strigaskó og Uggs með fylltum botni í anda tískunnar frá 2000-2010.
Steldu stílnum
Vanessa Hugdens á forsíðu Glamour árið 2010 í lágum gallabuxum og vesti sem gæti allt eins verið á forsíðu tímarits í dag.
Ertu til í þetta?
