Tania Lind Fodilsdóttir, markaðsstjóri NTC, segir undirbúning fyrir hina árlegu fermingarmyndatöku Galleri 17 hefjast strax í byrjun nýs árs enda í nægu að snúast. Hún segir vinsælt að fá börn starfsmanna til að vera fyrirsætur enda séu þau mörg á fermingaraldri. En hvað stendur upp úr í fermingartískunni í ár?
Það er mikil fjölbreytni í fermingartískunni, mikið um klassíska fallega hvíta blúndukjóla í bland við samfestinga en svo eru dragtir líka að koma sterkt inn ásamt pastel litum eins og ljósbláum og bleikum. Erum líka að sjá grasgræna litinn mikið , hann verður vinsæll í ár og ekki bara í fermingarfötum.
Allt er vænt sem vel er grænt
Græni liturinn er vinsæll í tískuheiminum um þessar mundir.
Kasjúal og kúl
Fyrir þá sem fíla ekki að vera í jakkafötum mælir Tania með því að klæðast töffaralegum Carhartt buxum við skyrtu, peysu eða blazer. Dr. Martens eða strigaskór toppa svo lúkkið.
Blúnda
Hvítir blúndukjólar eru klassískir á fermingardaginn og eiga alltaf vel við.
Blátt og bjútífúl
Blá jakkaföt við krispí hvíta strigaskó er lúkk að okkar skapi.
Flottir fylgihlutir
Skórnir, taskan og skartið spilar líka stóra rullu á fermingardaginn.
Við elskum þessar litríku töskur sem myndu sóma sér vel við fermingardressið.
Bakvið tjöldin
Það var Gunnlöð Jóna sem myndaði fermingarbörnin en Ester Olga sá um hár og förðun. Lilja, grafískur hönnuður NTC tók þessar skemmtilegu myndir bakvið tjöldin og leyfði okkur að vera fluga á vegg.
Það er mikil fjölbreytni í fermingartískunni , mikið um fallega hvíta blúndukjóla í bland við samfestinga. Svo eru dragtir að koma sterkt inn ásamt pastel litum eins og ljósbláum og bleikum. Erum líka að sjá grasgræna litinn mikið, hann verður vinsæll í ár og ekki bara í fermingarfötum.