Götutískan og trendin í París

XXL

Síðar og víðar buxur voru áberandi í París.

Karlie Kloss í geggjuðu dressi sem leikur sér að hlutföllunum.

Axlapúðar

Svo virtist sem því stærri sem blazerarnir voru, því betra á strætum Parísarborgar á tískuviku. Leikkonan Emma Watson mætti meðal annars í einum mjööög ýktum við gallabuxur og Dr. Martens.

Emma Watson vakti eftirtekt í þessum risastóra jakka við gallabuxur og Dr. Martens.

Fjaðrir

Við höfum sagt það í dágóðan tíma en fjaðrir eru eitt heitasta trendið þegar kemur að sparifatnaði á næstunni.

Tamara Kalinic í gulgrænu fjaðradressi sem hún parar við míní Kelly-tösku frá Hermès.

Hjólabuxur

Við köllum það Kim K-effektinn sem Skims hennar Kim Kardashian hefur haft á tískuheiminn en fleiri en ein og fleiri en tvær tískugyðjur klæddust hjólabuxum á tískuviku, annað hvort einum og sér eða undir pils.

Í hjólabuxum á Dior-sýningu. Það er eitthvað!

Glimmeraðar hjólabuxur á þessari tískugyðju.

Óldskúl glamúr

Hvað væri tískuvika án glamúrsins?

Hversu dásamlega klæðir þessi skærguli litur húðtón þessarar sjarmadísar?

Schiaparelli-átfitt eins og það gerist best.

Leonie Hanne í kjól innblásnum úr undirfatatískunni.

Litli, svarti kjóllinn með smá tvisti, líklegast úr smiðju Schiaparelli.

Klæðilegustu átfittin

Nokkur dress stóðu upp úr hvað praktík varðar.

Grace Elizabeth, ein fallegasta kona veraldar að okkar mati, sést hér rokka leðurbuxur við stuttan blazer, en þeir vaxa í vinsældum á næstu misserum.

Grace aftur í litla, svarta kjólnum sem er ein mikilvægasta flíkin í fataskáp okkar allra.

Verulega chic átfitt sem auðvelt er að stela.

Hvítur skyrtukjóll fer með þér hvert sem er. Við elskum risastóru ermarnar á þessum.

Eþíópíska fyrirsætan Liya Kebede í litlum hvítum kjól sem klæðir hana einstaklega vel.

Sætur sumarkjóll, þetta þarf ekki að vera flókið. Við erum að fá smá Brigitte Bardot-væb.

Inès de la Fressange, sem var andlit Chanel á árum áður, sést hér í ekta áreynslulausu frönsku átfitti sem gerir stíl franskra kvenna svo eftirsóknarverðan.

Næntís væb

Næntís-stíllinn er ekki að fara neitt í bráð ef marka má götutískuna í París.

Við gætum hugsanlega hafa klæðst svona toppi um miðjan tíunda áratug síðustu aldar.

Skemmtileg pörun

Þessar kunna að stílisera á skemmtilegan og áhugaverðan hátt.

Okkur hefði aldrei dotti í hug að para þessa ljósbleiku skyrtu við þetta græna pils, en það virkar!

Sítt að aftan

Allt sem Miuccia Prada snertir verður að gulli (og trendi) og eftir að hún kom á markað með mínípils með síðum slóða að aftan er það eitt heitasta trendið í tískuheiminum.