Erum við til í þetta trend aftur? Kíkjum á götutískuna í New York
Tíska - 13. febrúar 2024
Stílstjörnurnar flykktust til New York-borgar þegar tískuvika var haldin þar á dögunum. Við getum vel hugsað okkur að stela nokkrum hugmyndum að dressum frá þeim en eitt trend erum við hreinlega ekki vissar um. Hvað finnst ykkur? Eruð þið tilbúin í þetta trend aftur?
Kvartbuxur
Þið lásuð það fyrst hér en ólíklegasta trendið, sem við værum alveg til í að sleppa því að sjá aftur, er mætt með látum. Búið ykkur undir kvartbuxna-stormsveip!
Danska stílstjarnan Emili Sindlev fann sína innri Carrie Bradshaw enn og aftur á götum New York-borgar í gallakvartbuxum.
Kvartbuxurnar eru að koma sterkar inn á næstu misserum. Þið ráðið að sjálfsögðu hvað þið gerið við þær upplýsingar!
Steldu stílnum
Mob Wife
Mafíósastíllinn hefur heldur betur gert var við sig í Stóra eplinu þar sem lúxuspelsar og svartklæddar konur voru á hverju strái.
Smart kasjúal
Af öllum tískuvikunum fannst okkur áberandi hversu margar stílstjörnur klæddust vönduðum, klassískum flíkum sem við gætum alveg séð fyrir okkur apa eftir frá a-ö. Hér eru nokkur klæðilegustu lúkkin sem vekja innblástur hjá HÉR ER-teyminu.
Prófaðu að nota belti yfir kápuna þína, það kemur ótrúlega vel út!
Steldu stílnum
Woman in Red
Rauði liturinn heldur áfram að vera vinsæll og ekki síður rauðir fylgihlutir sem hafa verið rauði þráðurinn í gegnum tískuvikur allra borganna.
Hanskar verða einn heitasti fylgihluturinn á næstu misserum.
Brúnn og rauður er litakombó sem er ferskt og kemur skemmtilega á óvart.
Ljóst og lekkert
Við getum ekki beðið eftir hækkandi sól þar sem ljósari tónar fá að njóta sín.
Steldu stílnum
Peysunni skellt yfir axlirnar og fest með smart nælu. Stílisering sem vert er að prófa!
Lokkandi lokkar
Áberandi stórir eyrnalokkar eru að trenda og ekki er verra ef þeir eru „vintage“.
