Steldu stílnum frá best klæddu körlunum á tískuviku

Þessir voru þeir best klæddu á karlatískuviku sem haldin var í sumar í Mílanó, að mati stílista HÉR ER og eiga það sameiginlegt að vera í nokkuð klæðilegum átfittum sem tiltölulega auðvelt er að apa eftir.

Skemmtilegar og skrautlegar skyrtur halda áfram að trenda hjá körlunum ef marka má þá sem mættu á karlatískuviku í sumar. Við erum að fíla þetta trend enda úrvalið endalaust og vel hægt að leyfa sínum einstaka karakter og húmor að skína með þessum hætti.

Jakkinn er mikilvægur fyrir heildarmyndina. Hvort sem þú fílar bomberinn, gallajakkann eða háskólastílinn-þá ættirðu að finna eitthvað við hæfi.

Jakkaföt úr hör, fagurblá eða seventís, það er úr nægu að velja þegar kemur að sumarlegum jakkafötum.