Kjólar fyrir veislurnar í sumar - Steldu stílnum frá hátískuviku í París

Tíska - 15. júlí 2025

Ef þú ert að leita að dressi fyrir veislur sumarsins, ertu komin á réttan stað. Við kíktum á hátískuviku í París og fengum að vanda hellings innblástur sem við gátum ekki beðið eftir að deila með lesendum HÉRER.is. Hvort sem það er garðveisla, brúðkaup eða spontant partí í miðbænum sýnum við þér hvernig þú getur klætt þig fyrir tilefnið og hvar þú finnur dressin sem láta þig bera af.

Litli, svarti kjóllinn

Eitthvað sem klikkar seint og þarf að vera til í fataskáp hverrar konu. Hér eru nokkrir smart á stílstjörnunum frá nýliðinni hátískuviku í París og þeir sem fást í verslunum Smáralindar.

Leyfðu áhugaverðri tösku að sjá um að tala þegar kemur að einföldum, svörtum kjól.

Doppur

Mynstrið sem minnir okkur alltaf á veðreiðakjólinn hennar Juliu Roberts í Pretty Woman er heldur betur að koma sterkt inn í tískubransanum, enn og aftur.

Kjóllinn hennar Juliu Roberts í Pretty Woman er góður innblástur fyrir garðveislur sumarsins.

Gult eins og sólin

Þeir eru ófáir kjólarnir sem minna á dressið hennar Kate Hudson í How to Loose a Guy in 10 Days sem sjást á samfélagsmiðlum þessa dagana. Í öllu falli er guli liturinn að trenda - og ekki síst sá smjörguli.

Fáðu innblástur frá kjólnum hennar Kate Hudson í myndinni How To Loose a Guy in 10 Days.

Sjóðheitur rauður

Ef þú vilt vekja eftirtekt er hárauður kjóll málið. Rauði liturinn í bland við rústrauðan og vínrauðan eru í sviðsljósinu þessi dægrin.

Það er ekki annað hægt en að hugsa til þessa goðsagnakennda augnabliks í poppkúltúrnum þegar Cindy Crawford mætti í eldrauðum Versace-kjól á Óskarsverðlaunahátíðinni í denn. Ef þú vilt vekja eftirtekt og vera kynþokkafyllsta konan á svæðinu er rauður litur málið!