Mikilvægustu yfirhafnir dagsins

Leðurjakkinn

Leðurjakkinn er flík sem vert er að fjárfesta í enda ætti hann að endast að eilífu og jafnvel erfast á milli kynslóða.

Mótorhjólastíllinn gefur hvaða átfitti sem er töffaralegan blæ.

Eyddur og eitursvalur við sítt pils í aldamótastíl.

Löðrandi lúxus á þessum karamellulitaða og mjúka leðurjakka.

Falleg útgáfa við stutt pils og klossuð stígvél.

Trendin í leðurjökkum eru allskonar í ár, bæði sjáum við þá í mikilli yfirstærð en einnig stutta í mótorhjólastíl. Þá koma líka leðurkápur til greina og leðurjakkar sem ná niður á rass með belti um mittið sterkir inn.

Rykfrakkinn

Rykfrakkinn fylgir vortískunni óneitanlega á hverju ári og er ein af þeim flíkum sem stenst tímans tönn og tískusveiflur.

Það gerist ekki mikið klassískara-né franskara. Baksviðs hjá Dior á dögunum.

Stílstjarnan Leonie Hanne sýnir hér og sannar að rykfrakkinn er kynþokkafull flík með meiru.

Nútral grátóna rykfrakki við skærrauða fylgihluti.

Gallajakkinn

Gallajakkinn er möst í fataskápinn yfir vor- og sumarmánuðina. Ef þú vilt öppdeit af þeim klassíska þá geturðu prófað einn með belti um mittið eða í yfirstærð. Gallabomber-jakkar eru líka að trenda.

Þóra Valdimars á tískuviku í París á dögunum í stuttum og últra svölum gallajakka.

Emili Sindlev í gallajakka með óvæntu tvisti.

Gallajakkinn er góð „layering“ flík. Prófaðu að klæðast honum undir kápu á kaldari dögum.

Kanadíski tuxedo-inn svokallaði eða galla á gallaefni er heldur betur að trenda þessa dagana. Fáðu innblástur frá aldamóta-Justin og Britney og paraðu gallaflíkurnar þínar saman.

Djúsí kápa

Þegar sólin hækkar á lofti viljum við gjarnan klæðast kápum í ljósari litum eins og beis og ljósbrúnu. En djúsí kápa í yfirstærð er eitthvað sem eldist vel í fataskápnum og mun koma sér vel um ókomin ár.

Kremað og hvítt er í uppáhaldi hjá okkur á vorin. Sjáðu hvað axlirnar eru ýktar og ermarnar langar, það gefur kápunni ákveðinn x-faktor.

Djúpir, brúnir tónar og vandað efnisval gefur þessu dressi lúxusstimpil.

Victoria McGrath er Parísartískan uppmáluð í þessu dressi.

Hversu viðeigandi litatónar fyrir vorið?

Vertu óhrædd við að velja kápu í sterkum lit eins og rauðu. Hann passar vel með langflestu sem til er í fataskápnum, vittu til! Paraðu við rauðar varir fyrir trés chic Parísar-lúkk.

Bomberinn

Það er ekki hægt að fjalla um yfirhafnir dagsins í dag án þess að nefna bomber-jakkann. Bomberinn er án efa trendí-flík sem kemur og fer úr tísku en ef þú ert að leita að leið til að öppdeita fataskápinn er bomberinn góð leið.