Sætir strigaskór
Það er líklega óhætt að segja að strigaskór séu á hápunkti ferilsins um þessar mundir. Nú snýst allt um nýjustu strigaskó-týpuna og þeir eru bókstaflega notaðir við allt. Strigaskóframleiðandinn New Balance er að taka vinninginn og fólk á öllum aldri klæðist þeim enda úrvalið fjölbreytt. Retró týpur eins og Samba frá Adidas eru líka að trenda enda klassískir strigaskór sem ganga við allt.
Sætir sandalar
Tásurnar þurfa ást í sumar eftir langa inniveru. Brúnir leðursandalar eða sportlegri týpa sem gengur jafnt við kjóla, stuttbuxur, pils og buxur og standast tímans tönn eru góð fjárfesting.
Sandalar sem ganga jafnt við kjóla, stuttbuxur, pils og buxur og standast tímans tönn eru góð fjárfesting.
Reffilegur rykfrakki
Fáar flíkur eru jafn eigulegar og klassískur rykfrakki og þess vegna verður hann að vera á þessum lista yfir það sem er möst að eiga í sumar.
Geggjaðar gallabuxur
Gallabuxur eru möst í fataskápnum allt árið um kring en ef þú ætlar að fjárfesta í einum fyrir sumarið þá er trendið vítt og sítt! Við elskum hinsvegar sniðið Rowe Extra High frá Weekday og Z1975 Slim Long Lenght High Rise úr Zara og Yoko frá Monki, Smáralind.
Heitur hlýrabolur
Hvort sem þú parar hann við gallabuxur, pils eða stuttbuxur í sumar er hlýrabolur nauðsynlegur í fataskápinn. Bómull, silki eða prjónaður, með lógó eða beisik-þitt er valið!
Skyrta í yfirstærð
Ef þú átt ekki skyrtu í yfirstærð í fataskápnum mælum við með að fjárfesta í einni slíkri fyrir sumarið. Gengur jafnt á skrifstofuna sem og yfir bikiníið á ströndinni í sumar.
Gallapils
Þú ert hugsanlega komin með leið á því að við séum að selja þér gallapils en það verður „stable“ í sumar.
Hvítur kjóll
Kjóll í ljósum lit, úr bómull eða jafnvel bróderaður er eitthvað sem gott er að eiga í sumar þegar við förum í sumarleyfi enda gengur hann jafnt í borg og á strönd. Hér eru nokkrir við erum skotnar í.
Stælleg sólgleraugu
Sólgeraugu eru mikilvægasti fylgihlutur sumarsins. Skoðum aðeins hvernig týpum stílstjörnurnar hafa verið að falla fyrir upp á síðkastið.
Sexí sólarvörn
Ekki gleyma sólarvörninni! Dior kom nýverið á markað með Solar-línu sem samanstendur meðal annars af sólarvörn, líkamsskrúbbi sem inniheldur gullagnir og gefur líkamanum extra ljóma og raka og eftir-sólarkrem sem gott er að hafa við höndina eftir sólríka daga.