Topp 10 möst að eiga í fataskápnum í sumar

Sætir strigaskór

Það er líklega óhætt að segja að strigaskór séu á hápunkti ferilsins um þessar mundir. Nú snýst allt um nýjustu strigaskó-týpuna og þeir eru bókstaflega notaðir við allt. Strigaskóframleiðandinn New Balance er að taka vinninginn og fólk á öllum aldri klæðist þeim enda úrvalið fjölbreytt. Retró týpur eins og Samba frá Adidas eru líka að trenda enda klassískir strigaskór sem ganga við allt.

Samba frá Adidas á götum Kaupmannahafnar á tískuviku.

Adidas týpurnar eru greinilega vinsælar í Skandinavíu.

Þóra Valdimars smart í New Balance-týpu í Köben.

Sportlegir og sætir við mínípils og stuttermabol.

„Ljótu pabbastrigaskórnir“ eru enn að trenda.

Gazelle frá Adidas, Kaupfélagið, 21.995 kr.

Sætir sandalar

Tásurnar þurfa ást í sumar eftir langa inniveru. Brúnir leðursandalar eða sportlegri týpa sem gengur jafnt við kjóla, stuttbuxur, pils og buxur og standast tímans tönn eru góð fjárfesting.

Sandalar sem ganga jafnt við kjóla, stuttbuxur, pils og buxur og standast tímans tönn eru góð fjárfesting.

Reffilegur rykfrakki

Fáar flíkur eru jafn eigulegar og klassískur rykfrakki og þess vegna verður hann að vera á þessum lista yfir það sem er möst að eiga í sumar.

Tamara Kalinic í klassískum rykfrakka á tískuviku í Mílanó.

Rykfrakki í baby bláu er ferskur, þessi fer beint á óskalistann okkar! Zara, 22.995 kr.

„Oversized“ rykfrakki úr Weekday, Smáralind.

Geggjaðar gallabuxur

Gallabuxur eru möst í fataskápnum allt árið um kring en ef þú ætlar að fjárfesta í einum fyrir sumarið þá er trendið vítt og sítt! Við elskum hinsvegar sniðið Rowe Extra High frá Weekday og Z1975 Slim Long Lenght High Rise úr Zara og Yoko frá Monki, Smáralind.

Heitur hlýrabolur

Hvort sem þú parar hann við gallabuxur, pils eða stuttbuxur í sumar er hlýrabolur nauðsynlegur í fataskápinn. Bómull, silki eða prjónaður, með lógó eða beisik-þitt er valið!

Weekday er með gott úrval af hlýrabolum í allskyns týpum á fínu verði.

Diesel er með massa kombakk í ár! Galleri 17, 15.995 kr.

Skyrta í yfirstærð

Ef þú átt ekki skyrtu í yfirstærð í fataskápnum mælum við með að fjárfesta í einni slíkri fyrir sumarið. Gengur jafnt á skrifstofuna sem og yfir bikiníið á ströndinni í sumar.

Gallapils

Þú ert hugsanlega komin með leið á því að við séum að selja þér gallapils en það verður „stable“ í sumar.

Þetta gallapils frá Monki hefur slegið í gegn.

Hvítur kjóll

Kjóll í ljósum lit, úr bómull eða jafnvel bróderaður er eitthvað sem gott er að eiga í sumar þegar við förum í sumarleyfi enda gengur hann jafnt í borg og á strönd. Hér eru nokkrir við erum skotnar í.

Hvítur kjóll er þess virði að fjárfesta í eða taka fram úr fataskápnum fyrir sumarið.

Stælleg sólgleraugu

Sólgeraugu eru mikilvægasti fylgihlutur sumarsins. Skoðum aðeins hvernig týpum stílstjörnurnar hafa verið að falla fyrir upp á síðkastið.

Ofurfyrirsætan Bella Hadid með gordjöss Dior-týpu.

Hárgreiðslan og sólgleraugun ramma andlitið fallega inn.

„Statement“ gleraugu gera mikið fyrir heildarmyndina.

Súpersmart speglagleraugu á Ciara Ferragni.

Sexí sólarvörn

Ekki gleyma sólarvörninni! Dior kom nýverið á markað með Solar-línu sem samanstendur meðal annars af sólarvörn, líkamsskrúbbi sem inniheldur gullagnir og gefur líkamanum extra ljóma og raka og eftir-sólarkrem sem gott er að hafa við höndina eftir sólríka daga.