Nýjustu trendin frá París
Tíska - 9. mars 2022
Stílstjörnurnar flykktust á tískuvikuna í París og kepptust við að sýna sig og sjá aðra í heimsins flottustu hátísku. Hér eru nokkur trend sem við lofum að verða mjög áberandi á komandi misserum.
Clueless-stíll og skólastelpulúkk
Tískuhúsið Dior var svolítið að vinna með gulköflótt mynstur og dragtir í anda Clueless. Uppháir sportsokkar og tíkarspenar komu einnig við sögu.
Elegant og klæðilegt
Hér eru uppáhaldslúkkin okkar frá tískuvikunni í París.
XXL
Stórir blazerar, kápur og frakkar eru ekki að fara neitt í bráð. Axlapúðar og bein snið halda velli ef marka má tískudívurnar á meginlandinu.
Litagleði
Skærir litatónar fengu að fljóta með í París og þá sérstaklega voru þeir notaðir skemmtilega í fylgihlutum á borð við sólgleraugum, töskum og skóm.
Emili Sindlev er nútímaútgáfan af Carrie Bradshaw. Hún stígur ekki feilspor þegar kemur að áhugaverðri stíliseringu.
Dýfðu tánni ofan í litríka trendið!
Hár og meiköpp
Hársnúðar í anda Bjarkar Guðmundsdóttur, tíkarspenar, grafískur eyeliner og meiköpp sem hefði smellpassað inn í tískuna í kringum aldamótin er eitthvað sem við sáum mikið af á tískuvikunni í París á dögunum.
