Steldu stílnum beint frá Mílanó

Tíska - 22. mars 2023

Mílanó er hringamiðja tískuheimsins en þangað er heldur betur gott að líta til að sjá nýjustu trendin en ekki síður til að fá innblástur að klassískum dressum sem standast tímans tönn og tískustrauma. Við kíktum yfir á meginlandið á tískuviku í Mílanó og skoðuðum hverju stílstjörnurnar klæddust en líka á það nýjasta í verslunum hér á landi svo hægt sé að „stela stílnum“.

Skandinavísku stílstjörnurnar

Jeanette Madsen og Þóra Valdimars sem eru listrænu gyðjurnar á bakvið Rotate létu sig ekki vanta á tískuviku og stjarna Emili Sindlev skín skært sem aldrei fyrr. Hér eru dressin þeirra frá ítölsku tískuvikunni.

Emili Sindlev í súperklæðilegu galladressi ogJeanette Madsen bjútífúl í brúnu.

Þóra Valdimars elskar leðurbuxurnar sínar.

Emili Sindlev og Leonie Hanne í Prada frá toppi til táar.

Þóra, aftur í leðurbuxum og stuttum, sjúklega sætum bomber-jakka.

Emilil Sindlev er snillingur þegar kemur að óvæntum litasamsetningum. Hún er svo mikil nútímaútgáfa af Carrie Bradshaw!

Y2K æði

Það er ekkert lát á æðinu sem ríkir í kringum aldamótatískuna og Diesel, sem tröllreið tískubransanum í denn er með megakombakk. Ertu geim í satínbuxur og gallapils? Magaboli og klumpahæla?

Bucket-hattur og peysa sem berar axlirnar í Juicy Couture-bleikum lit. Svooo J-Lo í kringum aldamót.

Þú varst ekki pæja meðal pæja nema klæðast Diesel gallaflíkum í kringum 2000. Nú er Diesel að koma sterkt inn aftur en vörumerkið fæst í Galleri 17, Smáralind.

Hver man ekki eftir „layeruðum“ bolum og chokerum?

Diesel-átfitt sem við erum ekki vissar hvort sé gamaldags á slæman eða góðan hátt.

Pils yfir buxur og stórt og áberandi mjaðmabelti, gerist ekki meira aldamóta!

Mjaðmabeltin eru að reyna að ryðja sér til rúms enn á ný eftir góða fjarveru úr sviðsljósinu. Við á HÉRER segjum pass í bili!

Steldu stílnum

Diesel, Galleri 17 Smáralind, 29.995 kr.

Diesel, Galleri 17 Smáralind, 13.995 kr.

Karl Lagerfeld Bucket-hattur, Galleri 17, 19.995 kr.

Karl Lagerfeld-taska, Galleri 17, 44.995 kr.

Satín á ný

Tískuhúsið Fendi sendi frá sér flíkur eins og cargobuxur, jakka og rykfrakka úr satínefni sem gerir stílinn óneitanlega svolítið aldamóta.

Danska stílstjarnan Emili Sindlev paraði satínjakkann sinn við boot cut-buxur sem við könnumst vel við, þau okkar sem hafa lifað tískutímana tvenna.

Leonie Hanne kaus gordjöss grænt dress fyrir Fendi-sýninguna.

Steldu stílnum

Þú getur stíliserað aldamótatrend eftir eigin höfði eins og þessar dýramynstruðu buxur við hlýrabol og blazer, sem gefur heildarmyndinni fullorðinslegra yfirbragð.

Business Chic

Þó trendin séu áhugavert finnst okkur alltaf gaman að sjá klæðileg og kvenleg dress sem við getum séð fyrir okkur að klæðast. Hér eru nokkur af þeim sem okkur fannst standa uppúr í Mílanó.