Anouk Yve
Anouk er stílstjarna sem kemur frá Hollandi en hún er þekkt fyrir áreynslulausan, mínímalískan stíl þar sem gæðaflíkur spila stærstu rulluna. Levi´s 501-sniðið er ómissandi í fataskápnum hennar en hún á þær í nokkrum stærðum, allt upp í fjórum númerum of stórar, sem gerir heildarlúkkið extra kúl. Góður blazer, gæðakápur og flatbotna skór er eitthvað sem verður að vera til í fataskápnum hennar og hún notar aftur og aftur. Smáatriði sem breyta miklu eins og að klæðast hvítum stuttermabol sem sést örlítið undir kraganum á peysunni og peysa yfir axlir er eitthvað sem gefur heildarmyndinni ákveðinn x-faktor.
Chloé Crane-Leroux
Chloé er New York-búi með frönsku ívafi sem býr til töfrandi heim þar sem listir og matur tvinnast saman á einstakan hátt. Hún sérhæfir sig í geggjuðum grænmetisréttum sem við höfum stolið grimmt. Við mælum með því að fylgja Instagram-reikningi Chloé fyrir innblástur að lífinu almennt, þar sem djúp speki, fallegur og hollur matur og listir eiga heima.
Alison Toby
Alison er ein af þessum Instagram-stjörnum sem við missum vatnið yfir. Hún býr yfir dásemdarsjarma og stíl sem er einstaklega chic og í frönskum anda en með sportlegu tvisti. Girl Crush!
Larissa Mills
Upp á síðkastið hefur stílistinn okkar kolfallið fyrir Larissu Mills og hennar einstaka stíl. Það er eins og allt sem hún klæðist sé tekið upp á næsta level með áreynslulausum smartheitum.
Julie Sergent Ferreri
Það eru ófá átfittin sem okkur langar að stela frá Julie.