100% meðmæli frá stílistanum okkar

Það hefur væntanlega ekki farið framhjá neinum sem fylgist með tískunni að gallapils eru heldur betur að trenda. Við vorum svolítið spenntar fyrir því að prófa þetta trend, þar sem sítt gallapils gæti komið í staðinn fyrir gallabuxur einhverja daga vikunnar. Við fundið hið fullkomna í Monki, Smáralind.

Gallapils eru svakalega áberandi þegar götutíska stærstu tískuhöfuðborga heims er skoðuð.

Bolir í anda þeirra frá tískuhúsinu Khaite hafa rokið út eins og heitar lummur og allir og amma þeirra hafa apað stílinn eftir. Stílistinn okkar fann hina fullkomnu útgáfu í flagship-verslun H&M í Smáralind og á nú týpuna í nokkrum litum.

Það er ekki á hverjum degi sem við finnum hinar fullkomnu gallabuxur og þá verðum við bara að segja ykkur frá því. Ekki labba út í Zara, heldur hlaupið!

Góðar gallabuxur eru gulls ígildi.

Við vorum að uppgötva þetta næntís-snið á gervileðurbuxum í Zara. Uppháar og beinar niður og klæðilegar með eindæmum. Gera líka hvaða dress sem er örlítið meira töff.

Hér eru nokkrar myndir frá götutískunni á meginlandinu sem geta gefið okkur innblástur að stíliseringu.

Það er kannski ekki spennandi að tala um brjóstahaldara en samt sem áður svolítið nauðsynlegt að mæla með þegar man finnur gull í þeim málaflokki.

Blazer-jakkar eru mest notaða flíkin í fataskápnum okkar að undanskildum gallabuxunum. Þessi rataði í innkaupakörfuna okkar á dögunum og við höfum ekki farið úr honum síðan.