Topp 20 yfirhafnir fyrir haustið
Tíska - 27. ágúst 2024
Það er eitthvað við hausttískuna sem kveikir í okkur og þá klæjar okkur í fingurna að fjárfesta í nýrri yfirhöfn fyrir komandi árstíð. Hér er fullt af innblæstri frá helstu tískuborgum heims og flíkur sem hægt er að kaupa í Smáralind í þeim anda.
Reffilegi rykfrakkinn
Eitt er víst að rykfrakkinn er tekinn upp á hverju einasta hausti og því skyldueign í fataskápinn enda fer hann aldrei úr tísku.
Lekkert leður
Leðurflíkur eru löðrandi í lúxus og koma heldur betur sterkar inn með haustinu. Leðurbomberar, leðurjakkar í yfirstærð og leðurkápur eru að trenda og geta heldur betur poppað upp á átfittið.
Poppuð praktík
Svokallaðir utility-jakkar eru heldur betur að trenda þessi dægrin og keppast tískuvöruverslanir við að koma út með sína útgáfu.
Klassísk kamel
Hvað er klassískara en kasmírkápa í kamellit? Vínrauður er líka að koma inn með látum í haust og súkkulaðibrúnir tónar smellpassa við komandi árstíð.
Svart og seiðandi
Svolítið seif en aldrei boring. Við þurfum allar að eiga eins og eina klassíska, svarta kápu í fataskápnum sem gengur við allt og ekkert og stenst tímans tönn og stendur með okkur í gegnum allar tískusveiflurnar.
Stuttir rykfrakkar eru hámóðins um þessar mundir og eru góð milli árstíðaflík.
Leðurjakkar í yfirstærð og jakkar og kápur úr rúskinni verða mál málanna í haust.
Slár fá sinn tíma í sviðsljósinu aftur eftir að haustsýning tískuhússins Chloé sló í gegn.
Gleðilegt haust!
