Topparnir sem stílistinn okkar og stílstjörnurnar eru að missa sig yfir

Tíska - 30. nóvember 2023

Þær okkar sem voru „upp á sitt besta“ (hóst, hóst!) í kringum aldamótin munum vel eftir hefðinni sem tíðkaðist á þeim tíma- að kaupa sér „djammtopp“ fyrir herlegheit helgarinnar. Nú erum við ekki að mæla með því að konur stundi það í dag en mælum hinsvegar með bolum og toppum sem hreinlega gera átfittið og eru það áhugaverðir að það eina sem vantar til að fullkomna það eru gallabuxur og hælar. Hér eru „djammtoppar“ næstu kynslóðar, gjörið svo vel!

Mynd: Tamara Kalinic (Glamandglitter.com)

Topparnir frá tískuhúsinu Khaite hafa slegið í gegn hjá stílstjörnum á borð við Tamara Kalinic, sem er í miklu uppáhaldi á þessum bæ. Verðmiðinn er tæplega 170.000 kr. og því fannst okkur ekki úr vegi að finna ódýrari „eftirlíkingar“.

Tamara á Khaite-bolina í öllum litum og gerðum.

Steldu stílnum

H&M hefur framleitt flotta boli í anda Khaite sem við höfum getað leyft okkur að kaupa í nokkrum litum og mælum með!

Þessi týpa fæst í H&M og kemur í nokkrum litum. Bómullin er góð og endingin líka.

Þessi stíll er líka nýlentur í H&M Smáralind og virkar muuun dýrari en raun ber vitni.

Það er eitthvað einstaklega elegant við þennan bundna topp sem berar axlirnar. Gallabuxur, hælaskór og fallegt hálsmen-og þú ert klár í hvað sem er!

Þessi bolur er ekki nákvæm eftirlíking en gefur svipað „væb“ samt sem áður. Fæst í Galleri 17, 10.995 kr.

Hér má sjá annan fallegan á Tamöru sem berar axlirnar fallega.

Splæsa eða spara?

Hér eru nokkrir sem við værum til í að kaupa í staðinn fyrir þennan með stóra verðmiðanum.

Við erum fleiri en ein hér á HÉRER.is sem höfum keypt þennan í H&M. Fullkominn „djammtoppur“ fyrir þær sem klæðast ekki lengur í „djammtoppum“! Fæst í flagship-verslun H&M í Smáralind.